മുംബൈ :അദാനിയുടെ ഉടമസ്ഥതയിലുള്ള കമ്പനി ഏകദേശം 5757 കോടി രൂപ മുടക്കി 72 ശതമാനം ഓഹരി വാങ്ങുമെന്ന് ഉറപ്പായതോടെ ഐടിഡി സിമന്‍റേഷന്‍ എന്ന കമ്പനിയുടെ ഓഹരി വില അഞ്ച് ശതമാനത്തോളം ഉയര്‍ന്നു. 513 രൂപയുണ്ടായിരുന്ന ഐടിഡി സിമന്റേഷന്റെ ഓഹരി വില 530 രൂപയായി ഉയര്‍ന്നു.
അദാനിയുടെ ഉടമസ്ഥതയിലുള്ള ദുബായ് ആസ്ഥാനമായുള്ള റിന്യൂ എക്സിം ഡിഎംസിസി എന്ന കമ്പനിയാണ് ഐടിഡി സിമന്റേഷന്റെ 72 ശതമാനം ഓഹരികള്‍ വാങ്ങുന്നത്. ഇതിന് ബുധനാഴ്ച കോംപറ്റീഷന്‍ കമ്മീഷന്‍ ഓഫ് ഇന്ത്യ അനുമതി നല്‍കിയിരുന്നു. ഈ വാര്‍ത്ത പുറത്തുവന്നതോടെയാണ് ഐടിഡി സിമന്റേഷന്റെ ഓഹരി വില കുതിച്ചുയര്‍ന്നത്.
ഇപിസി (എഞ്ചിനീയറിംഗ്, പ്രൊക്യുര്‍മെന്‍റ് ആന്‍റ് കണ്‍സ്ട്രക്ഷന്‍ ) സേവനം നല്‍കുന്ന കമ്പനിയാണ് ഐടിഡി സിമന്‍റേഷന്‍. രണ്ട് രീതിയിലാണ് അദാനിയുടെ കമ്പനി ഓഹരികള്‍ വാങ്ങുക. ഐടിഡി സിമന്‍റേഷന്‍ കമ്പനിയുടെ പ്രൊമോട്ടര്‍മാരായ ഇറ്റാലിയന്‍-തായ് ഡലവപ്മെന്‍റ് കമ്പനിയുടെ 46 ശതമാനം ഓഹരികള്‍ വാങ്ങും. മറ്റൊരു 26 ശതമാനം ഓപ്പണ്‍ ഓഫര്‍ വഴി വാങ്ങും.
പ്രതികരിക്കാൻ ഇവിടെ എഴുതുക