പ്രയാഗ് രാജ് : മഹാകുംഭമേളയില്‍ ഗംഗ, യമുന, സരസ്വതി നദികള്‍ ചേരുന്ന ത്രിവേണി സംഗമത്തില്‍ ഭക്തര്‍ സ്നാനം ചെയ്യേണ്ട ചടങ്ങാണ് അതിവിശുദ്ധമായി കരതുന്ന മൗനി അമാവാസ്യ. ആകാശത്ത് ഗ്രഹങ്ങള്‍ ഒരു പ്രത്യേക രീതിയില്‍ വിന്യസിക്കപ്പെട്ടതിനാല്‍ ഭൂമിയിലേക്ക് സവിശേഷമായ നല്ല ശക്തിപ്രവാഹം ഉണ്ടാകുന്ന ദിവസമാണിത്.
ഈ ദിവസത്തെ സ്നാനമാണ് ഏറ്റവും പുണ്യം എന്ന് കരുതുന്നത്. 10 കോടി ഭക്തര്‍ അമൃതസ്നാനം ചെയ്യുമെന്നായിരുന്നു സംഘാടകര്‍ കണക്കുകൂട്ടിയത്. എന്നാല്‍ ഈ തിക്കും തിരക്കും കൃത്രിമമായ സൃഷ്ടിക്കപ്പെട്ടതാണോ എന്ന സംശയം ഉയരുന്നുണ്ട്. രാത്രി ഒരു മണിക്കാണ് സംഭവം. ക്യൂവില്‍ നിന്ന ചില സ്ത്രീകള്‍ക്ക് ശ്വാസംമുട്ടല്‍ അനുഭവപ്പെട്ടതായി പറയുന്നു. ഒപ്പം തിക്കും തിരക്കും ഉണ്ടായി. ചില ബാരിക്കേഡുകള്‍ തിരക്കുകാരണം തകര്‍ന്നുവീണു. ഇത് തിരക്ക് അനിയന്ത്രിതമാകാന്‍ കാരണമായി. കൂടുതല്‍ ഭക്തര്‍ തടിച്ചുകൂടിയതുമൂലം ബാരിക്കേഡുകള്‍ തകര്‍ക്കപ്പെട്ടുവെന്നാണ് മാധ്യമങ്ങള്‍ പറയുന്നത്. തിക്കും തിരക്കും കൃത്രിമമായി സൃഷ്ടിക്കപ്പെട്ടതാണോ, അതുപോലെ ശ്വാസംമുട്ടല്‍ അനുഭവപ്പെട്ടത് തിക്കും തിരക്കും മൂലമായിരുന്നോ എന്നറിവായിട്ടില്ല.
ഫത്തേപൂര്‍ സ്വദേശിയായ രാം സിങ്ങ് പറയുന്നത് പുറത്തേക്കുള്ള പോകാനുള്ള വഴികള്‍ അടച്ചതാണ് തിക്കിനും തിരക്കിനും കാരണമായതെന്നാണ്. ആരാണ് അമൃതസ്നാന്‍ കഴിഞ്ഞ് പുറത്തേക്ക് പോകാനുള്ള വഴികള്‍ അടച്ചത് എന്ന ചോദ്യവും ഉയരുന്നു.
മഹാകുംഭമേള മൈതാനത്ത് തന്നെ ഉയര്‍ത്തിയ സെന്‍ട്രല്‍ ആശുപത്രിയിലേക്ക് പരിക്കേറ്റവരെ ആംബുലന്‍സില്‍ എത്തിക്കുകയായിരുന്നു. 30 സ്ത്രീകള്‍ക്കെങ്കിലും പരിക്കേറ്റിരുന്നു. ഏതാനും പേര്‍ കൊല്ലപ്പെട്ടിരിക്കാം എന്നും കരുതുന്നു.
നല്ല രീതിയില്‍ നടക്കുന്ന മഹാകുംഭമേളയെ തകര്‍ക്കാന്‍ തുടക്കത്തിലെ ദിവസങ്ങളിലൊന്നില്‍ ടെന്‍റിന് തീപിടിച്ചിരുന്നു. ഇതിന് പിന്നില്‍ ചില ഖലിസ്ഥാന്‍ സംഘടനകളാണെന്ന് പിന്നീട് അന്വേഷണത്തില്‍ കണ്ടെത്തിയിരുന്നു. ഒരു പാചകവാതകഗ്യാസ് സിലിണ്ടര്‍ പൊട്ടിത്തെറിച്ചായിരുന്നു തീപിടിത്തം. ഖലിസ്ഥാന്‍ സിന്ദാബാദ് ഫോഴ്സ് എന്ന സംഘടന തീപിടിത്തത്തിന്റെ ഉത്തരവാദിത്വം ഏറ്റെടുത്തിരുന്നു.
പ്രതികരിക്കാൻ ഇവിടെ എഴുതുക: