രാജ് കോട്ട് : ഇംഗ്ലണ്ടിനെതിരായ മൂന്നാം ട്വന്റി ട്വന്റിയില് ഇന്ത്യക്ക് പരാജയം. 26 റണ്സിനാണ് ഇംഗ്ലണ്ടിന്റെ ജയം.
ആദ്യം ബാറ്റ് ചെയ്ത ഇംഗ്ലണ്ട് 172 റണ്സ് എന്ന് വിജയലക്ഷ്യമാണ് ഇന്ത്യക്ക് മുന്നില് വച്ചത്.എന്നാല് ഇന്ത്യയ്ക്ക് നിര്ണായക ഇടവേളകളില് വിക്കറ്റുകള് നഷ്ടമായിക്കൊണ്ടിരുന്നു.
നിശ്ചിത 20 ഓവറില് ഒമ്പത് വിക്കറ്റ് നഷ്ടത്തില് 145 റണ്സ് എടുക്കാനെ ഇന്ത്യക്ക് കഴിഞ്ഞുള്ളു. 40 റണ്സെടുത്ത ഹാര്ദിക് പാണ്ഡ്യയാണ് ടോപ് നേടി.
ആറ് ബോള് നേരിട്ട് സഞ്ജു മൂന്ന് റണ്സിനും ഏഴ് ബോള് നേരിട്ട സൂര്യകുമാര് 14 റണ്സിനും പുറത്തായി.ആറാം വിക്കറ്റില് അസര് പട്ടേല്ഹര്ദ്ദിക്ക് -പാണ്ഡ്യ കൂട്ടുകെട്ട് പ്രതീക്ഷ നല്കിയെങ്കിലും സ്കോര് 123ല് നില്ക്കെ അസര് പുറത്തായി.
നേരത്തെ ടോസ് നഷ്ടപ്പെട്ട് ബാറ്റ് ചെയ്ത ഇംഗ്ലണ്ട് ഒമ്പത് വിക്കറ്റ് നഷ്ടത്തില് 171 റണ്സ് നേടി. ഏഴ് ബൗണ്ടറിയും രണ്ട് സിക്സറും അടക്കം 28 പന്തില് നിന്ന് 51 റണ്സ് നേടിയ ബെന് ഡക്കറ്റിന്റെയും അഞ്ച് സിക്സറും ഒരു ബൗണ്ടറിയും അടക്കം 24 ബോളില് നിന്ന് 43 റണ്സ് എടുത്ത ലിയാം ലിവിങ്സ്റ്റണിന്റെയും ബാറ്റിംഗാണ് ഇംഗ്ലണ്ടിനെ ഭേദപ്പെട്ട സ്കോറിലെത്തിച്ചത്.
ഇന്ത്യക്കായി വരുണ് ചക്രവര്ത്തി അഞ്ചുവിക്കറ്റുകള് വീഴ്ത്തി. ഹര്ദിക് പാണ്ഡ്യ രണ്ട് വിക്കറ്റും രവി ബിഷ്ണോയ്, അക്സര് പട്ടേല് എന്നിവര് ഓരോ വിക്കറ്റും വീഴ്ത്തി.
