പാലക്കാട്:നെന്മാറ ഇരട്ടക്കൊലക്കേസില്‍ എസ്എച്ച്ഓയ്ക്ക് ഗുരുതര വീഴ്ച പറ്റിയെന്ന എസ്പിയുടെ റിപ്പോര്‍ട്ടിന്റെ പശ്ചാത്തലത്തില്‍ എസ്എച്ച്ഓയ്ക്ക് സസ്പന്‍ഷന്‍എസ്എച്ച്ഒ മഹേന്ദ്ര സിംഹനെയാണ് സര്‍വീസില്‍ നിന്ന് സസ്‌പെന്‍ഡു ചെയ്തത്.
പ്രതി ചെന്താമര ജാമ്യ വ്യവസ്ഥ ലംഘിച്ചിട്ടും കോടതിയെ അറിയിക്കാത്തത് വലിയ പിഴവെന്ന് എസ് പിയുടെ റിപ്പോര്‍ട്ടില്‍ പറയുന്നു.
ജാമ്യവ്യവസ്ഥ പ്രകാരം പ്രതിക്ക് നെന്മാറ പഞ്ചായത്തില്‍ പ്രവേശിക്കാന്‍ കഴിയുമായിരുന്നില്ല.ഇത് ലംഘിച്ചാണ് പ്രതി ഒരു മാസത്തോളം ഇവിടെ താമസിച്ചത്. ഇത് പൊലീസിനെ അറിയിച്ചിട്ടും നടപടിയെടുത്തില്ലെന്ന് കൊല്ലപ്പെട്ട സുധാകരന്റെ മകള്‍ പറഞ്ഞു. ചെന്താമരയുടെ ജാമ്യ ഉത്തരവിന്റെ പകര്‍പ്പ് സ്‌റ്റേഷനില്‍ ഉണ്ടായിരുന്നില്ലെന്നാണ് എസ്എച്ച്ഒയുടെ വിശദീകരണം.
കൊല്ലപ്പെട്ട സുധാകരനും മകളും പ്രതിക്കെതിരെ പരാതി നല്‍കിയിട്ടും നടപടി സ്വീകരിക്കാത്തത് ഗുരുതര വീഴ്ചയാണെന്ന് എസ്പി നല്‍കിയ റിപ്പോര്‍ട്ടില്‍ പറഞ്ഞിരുന്നു. ഉത്തരമേഖലാ ഐജിക്ക് നല്‍കിയ റിപ്പോര്‍ട്ടിന്റെ അടിസ്ഥാനത്തിലാണ് എസ്എച്ച്ഓയെ സസ്‌പെന്‍ഡു ചെയ്തത്.
പ്രതികരിക്കാൻ ഇവിടെ എഴുതുക