ലക്നൗ : മഹാകുംഭമേളയ്ക്കെത്തി പ്രശസ്ത സംവിധായകൻ കബീർ ഖാൻ . ഏത് മതത്തിൽപ്പെട്ടവരാണെങ്കിലും ഇന്ത്യക്കാരാനാണെങ്കിൽ കുംഭമേളയിൽ പങ്കെടുക്കണമെന്നും അദ്ദേഹം പറഞ്ഞു.
“ഞാൻ വളരെ ആവേശത്തിലാണ്. ഇത് 12 വർഷത്തിലൊരിക്കൽ നടക്കുന്നതാണ്. ഇവിടെ വരാൻ എനിക്ക് ഭാഗ്യമുണ്ടെന്ന് തോന്നുന്നു. ഞാനും ഇവിടെ പുണ്യസ്നാനം ചെയ്യും. ഇവ ഹിന്ദുക്കൾക്ക് മാത്രമല്ല , ഇവ നമ്മുടെ ഉത്ഭവത്തിന്റെയും നമ്മുടെ രാജ്യത്തിന്റെയും നാഗരികതയുടെയും കാര്യങ്ങളാണ്. ഇതിൽ ഹിന്ദുവോ മുസ്ലീമോ ഇല്ല, നിങ്ങൾ ഒരു ഇന്ത്യക്കാരനാണെന്ന് നിങ്ങൾ വിശ്വസിക്കുന്നുവെങ്കിൽ, നിങ്ങൾക്ക് എല്ലാം അനുഭവിക്കണം , പങ്കെടുക്കണം ” – അദ്ദേഹം പറഞ്ഞു.
ഇന്ത്യയുടെ ആദ്യ പാരാലിമ്പിക്സ് സ്വർണമെഡൽ ജേതാവായ മുരളികാന്ത് പേട്കറിന്റെ അസാധാരണ ജീവിതത്തെ ആസ്പദമാക്കി ഒരുക്കിയ ചന്ദു ചാമ്പ്യനാണ് കബീർ ഖാന്റേതായി ഒടുവിൽ പുറത്തിറങ്ങിയത്.
