തിരുവനന്തപുരം: സംസ്ഥാനത്തെ മുന്നാക്ക സമുദായങ്ങളിലെ സാമ്പത്തികമായി പിന്നാക്കം നില്‍ക്കുന്ന കുടുംബങ്ങളില്‍ നിന്ന് മംഗല്യ സമുന്നതി പദ്ധതിയിലേക്ക് അപേക്ഷ ക്ഷണിച്ചു. 2024 ജനുവരി ഒന്നിനും ഡിസംബര്‍ 31 നുമിടയില്‍ വിവാഹിതരായ പെണ്‍കുട്ടികളുടെ മാതാപിതാക്കള്‍ക്ക് വിവാഹ ധനസഹായം അനുവദിക്കുന്ന പദ്ധതിയാണിത്.
ഒരു ലക്ഷം രൂപ വരെ കുടുംബ വാര്‍ഷിക വരുമാനമുള്ള മുന്‍ഗണന എഎവൈ, മുന്‍ഗണന വിഭാഗങ്ങളില്‍ ഉള്‍പ്പെടുന്നവര്‍ക്ക് അപേക്ഷിക്കാം. ലഭിക്കുന്ന അപേക്ഷകളില്‍ നിന്ന് ഏറ്റവും കുറഞ്ഞ വരുമാനമുള്ളവരില്‍ അര്‍ഹരായവര്‍ക്ക് ധനസഹായം ലഭിക്കും. സര്‍ക്കാരില്‍ നിന്ന് ലഭിക്കുന്ന ഫണ്ടിന് ആനുപാതികമായാണ് ധനസഹായം അനുവദിക്കുക.
അപേക്ഷകള്‍ ഫെബ്രുവരി 12 നകം സമര്‍പ്പിക്കണം. വിശദവിവരങ്ങള്‍ക്ക് : www.kswcfc.org.
പ്രതികരിക്കാൻ ഇവിടെ എഴുതുക