പ്രായപൂർത്തിയാകാത്ത കുട്ടികളെ പീഡിപ്പിക്കാൻ ശ്രമം ; കൊല്ലത്തും, ഷൊർണൂരും മദ്രസ അദ്ധ്യാപകർ അറസ്റ്റിൽ

കൊല്ലം : പ്രായപൂർത്തിയാകാത്ത പെൺകുട്ടിയെ പീഡിപ്പിക്കാൻ ശ്രമിച്ച മദ്രസ അദ്ധ്യാപകൻ അറസ്റ്റിൽ. കൊല്ലം പള്ളിക്കലിലാണ് സംഭവം . കാട്ടുപുതുശേരി മുതിയക്കോണം സ്വദേശിയായ മദ്രസ അദ്ധ്യാപകൻ നവാസ് (49) നെയാണ് പോലീസ് പിടികൂടിയത്.

ഈ മാസം 13 നാണ് സംഭവം . പഠിക്കാനെത്തിയ പ്രായപൂർത്തിയാകാത്ത പെൺകുട്ടിയെ നവാസ് ലൈം​ഗികമായി പീഡിപ്പിക്കാൻ ശ്രമിക്കുകയായിരുന്നു. പള്ളിക്കൽ എസ് എച്ച് ഒ രാജീവ് കുമാർ, എസ് ഐ രാജീ കൃഷ്ണ എന്നിവരടങ്ങുന്ന നവാസിനെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

ഷൊർണൂരിലും പ്രായപൂർത്തിയാവാത്ത വിദ്യാർഥിക്കു നേരെ ലൈംഗിക അതിക്രമം നടത്തിയ മദ്രസ അധ്യാപകൻ അറസ്റ്റിലായി . മലപ്പുറം ഊർങ്ങാട്ടേരി സ്വദേശി കൂട്ടക്കടവത്ത് വീട്ടിൽ ഇസഹാക്ക് സഹദിനെ (51) ആണ് ഷൊർണൂർ പൊലീസ് അറസ്റ്റ് ചെയ്തത്. 2022 – 2024 കാലയളവിൽ മണ്ണാർക്കാട്ടെ സ്ഥാപനത്തിൽ വിദ്യാർഥി പഠിക്കുന്ന സമയത്തു മദ്രസ അധ്യാപകനായി ജോലി ചെയ്തിരുന്ന പ്രതി ലൈംഗിക അതിക്രമം നടത്തുകയായിരുന്നു. മാതാപിതാക്കൾ അറിഞ്ഞതോടെയാണ് പൊലീസിൽ പരാതിപ്പെട്ടത്