വൈറലാകാനായി പലരും പല തരത്തിൽ പെരുമാറാറുണ്ട്. ഇപ്പോഴിതാ ആൾക്കാർക്ക് മുന്നിൽ കാട്ടാനയെ പരിഹസിക്കാനും, അതിന്റെ വഴി തടയാനും ശ്രമിച്ച യുവാവിന് കിട്ടിയ പണിയാണ് വൈറലാകുന്നത് . IFS ഓഫീസർ പർവീൺ കസ്വാനാണ് X-ൽ ഇതിന്റെ വീഡിയോ പങ്ക് വച്ചത്. മനുഷ്യരെയും മൃഗങ്ങളെയും അപകടത്തിലാക്കുന്ന “അപകടകരവും അധാർമികവുമായ പെരുമാറ്റം” എന്നാണ് അദ്ദേഹം ഇതിനെ വിശേഷിപ്പിച്ചിരിക്കുന്നത് .
ശാന്തമായി റോഡ് മുറിച്ചുകടക്കുന്നതിനിടെ യുവാവ് ആനയെ കളിയാക്കുകയും അതിന്റെ പാത തടയുകയും ചെയ്യുന്നതോടെയാണ് വീഡിയോ ആരംഭിക്കുന്നത്. തുടക്കത്തിൽ സഹിഷ്ണുത കാണിച്ച ആന പിന്നീട് പ്രകോപിതനായി അയാളുടെ നേരെ ആക്രമണം അഴിച്ചുവിടുകയും ആ മനുഷ്യനെ ഓടിക്കുകയും ചെയ്യുന്നു.
‘ ഒരുപക്ഷേ നിങ്ങൾ പ്രായത്തിൽ ചെറുപ്പമായിരിക്കും. ആനയെ കീഴടക്കാനുള്ള ശക്തി പോലും നിങ്ങൾക്കുണ്ടായേക്കാം. എന്നാൽ ഈ കോപാകുലരായ മൃഗങ്ങൾ അടുത്ത കുറച്ച് ദിവസത്തേക്ക് മനുഷ്യരെ കാണുമ്പോൾ ശാന്തമായി പെരുമാറില്ല. അതിനാൽ നിങ്ങളുടെ സ്വന്തം വിനോദത്തിനായി ദയവായി വന്യമൃഗങ്ങളെ ദേഷ്യം പിടിപ്പിക്കരുത് ‘ എന്നാണ് ദൃശ്യം പങ്ക് വച്ചതിനൊപ്പം പർവീൺ കസ്വാൻ കുറിച്ചത്.
Identify the animal in this video.
Maybe you are young and you can outrun the elephants. But these irritated animals don’t behave peacefully if they see other human for next few days. Don’t irritate wild animals for your fun. pic.twitter.com/chYlLeqx3d
— Parveen Kaswan, IFS (@ParveenKaswan) January 12, 2025
