കൊല്ലം: പടപ്പക്കരയില്‍ അമ്മയെയും മുത്തച്ഛനെയും കൊലപ്പെടുത്തിയ സംഭവത്തില്‍ പ്രതിയെ പൊലീസ് കസ്റ്റഡിയില്‍ വാങ്ങി. പ്രതി അഖിലിനെ കൊലപാതകം നടന്ന പടപ്പക്കരയിലെ വീട്ടിലും അമ്മയുടെ മൊബൈല്‍ ഫോണ്‍ വിറ്റ കൊട്ടിയത്തെ കടയിലും എത്തിച്ച് തെളിവെടുത്തു.
കൊലപാതകം നടത്തിയ രീതി പ്രതി പൊലീസിനോട് വിവരിച്ചു. 2024 ഓഗസ്റ്റിലാണ് അഖില്‍ അമ്മ പുഷ്പലതയെയും മുത്തച്ഛന്‍ ആന്റണിയെയും കൊല ചെയ്തത്.
പണം അവശ്യപ്പെട്ടിട്ട് നല്‍കാത്തതിനാലായിരുന്നു കൊലപാതകം. ലഹരി മരുന്നിന് അടിമയാണ് അഖില്‍.കൊലപാതകം നടത്തിയ ശേഷം ജമ്മുകാശ്മീരിലെ ശ്രീനഗറില്‍ ഒളിവില്‍ കഴിഞ്ഞ പ്രതിയെ മാധ്യമങ്ങളിലെ വാര്‍ത്ത കണ്ട് തിരിച്ചറിഞ്ഞ മലയാളി നല്‍കിയ വിവരപ്രകാരമാണ് പൊലീസ് പിടികൂടിയത്.
പ്രതികരിക്കാൻ ഇവിടെ എഴുതുക: