തിരുവനന്തപുരം:ക്രിസ്തുമസ് ദിവസം വലിയവേളി കടലില്‍ അപകടത്തില്‍പ്പെട്ട് ചികിത്സയിലായിരുന്ന രണ്ടു യുവാക്കള്‍ മരിച്ചു. വലിയവേളി സ്വദേശികളായ കെവിന്‍ (28), ജോഷി (40) എന്നിവരാണ് മരിച്ചത്.
കഴിഞ്ഞ ബുധനാഴ്ച ഉച്ചയോടെയായിരുന്നു അപകടം ഉണ്ടായത്. വേളി സെന്റ് തോമസ് പള്ളിക്ക് സമീപം കടലില്‍ കുളിക്കാനിറങ്ങി തിരയില്‍ പെട്ട യുവാവിനെ രക്ഷിക്കാനാണ് കെവിനും ജോഷിയും കടലിലിറങ്ങിയത്.
അതിനിടെ കെവിനും ജോഷിയും തിരയില്‍പ്പെട്ട് മുങ്ങുകയായിരുന്നു. ഇവരെ മത്സ്യതൊഴിലാളികളും മറ്റുള്ളവരും ചേര്‍ന്ന് രക്ഷപ്പെടുത്തി സ്വകാര്യ ആശുപത്രിയില്‍ പ്രവേശിപ്പിച്ചു. എന്നാല്‍ ശ്വാസകോശത്തിലും മറ്റും മണല്‍ കയറി ഗുരുതരാവസ്ഥയിലായിരുന്നു ഇരുവരും. തിങ്കളാഴ്ച വൈകിട്ടാണ് രണ്ട് പേരും മരിച്ചത്.
പ്രതികരിക്കാൻ ഇവിടെ എഴുതുക: