കട്ടപ്പന: ഇടതുപക്ഷ സര്ക്കാരിന് കീഴില് കഴിഞ്ഞ പത്തുവര്ഷമായി സംസ്ഥാനത്ത് നടക്കുന്നത് സഹകരണകൊള്ളയാണെന്ന് ബിജെപി മധ്യമേഖലാ പ്രസിഡന്റ് എന്. ഹരി ആരോപിച്ചു.
സംസ്ഥാനത്ത് ഇടത് വലതു മുന്നണികള് ഭരിക്കുന്ന സഹകരണ സംഘങ്ങളില് പണം നിക്ഷേപിക്കുന്നത് പാര്ട്ടി ഫണ്ടിലേക്ക് നല്കുന്നതു പോലെയാണെന്നാണ് ഇടത് നേതാക്കള് കരുതുന്നത്. കട്ടപ്പനയില് നിക്ഷേപ തുക ചോദിച്ചെത്തി ബാങ്കിന് മുന്പില് ജീവനൊടുക്കിയ സാബുവിനെ പോലെ ആത്മഹത്യയുടെ വക്കില് നില്ക്കുന്ന പതിനായിരക്കണക്കിന് സഹകാരികള് ഇടുക്കിയിലും കോട്ടയത്തുമുണ്ടെന്നും ഹരി പറഞ്ഞു.
ഇടുക്കിയിലെ സിപിഎം ഗുണ്ടകളും അവരുടെ കൂട്ടാളികളും സഹകരണ സംഘങ്ങള് വഴി നടത്തുന്ന അഴിമതി സംസ്ഥാന സര്ക്കാര് കണ്ടില്ലെന്ന് നടിക്കുകയാണ്. കണ്ണൂരില് നവീന് ബാബുവിനെ കൊലപ്പെടുത്തിയതിനു സമമാണ് ഇടുക്കിയില് സിപിഎം നേതാവ് സാബുവിനെ ഭീഷണിപ്പെടുത്തി കൊലപ്പെടുത്തിയത്.
സാബുവിനെ ഭീഷണിപ്പെടുത്തിയ ബാങ്ക് ജീവനക്കാര്ക്കെതിരെയും സിപിഎം നേതാക്കള്ക്കെതിരെയും കൊലക്കുറ്റം ചുമത്തി കേസെടുക്കണമെന്ന് അദ്ദേഹം ആവശ്യപ്പെട്ടു.
