നല്ല അംബേദ്കര്‍ സ്നേഹം…ശിവജിയ്‌ക്ക് മാലയിടുന്ന രാഹുല്‍ ഗാന്ധി, പക്ഷെ അംബേദ്കറുടെ ചിത്രത്തെ തഴയുന്നു; വീഡിയോ വൈറല്‍

ന്യൂദല്‍ഹി: രാഹുല്‍ ഗാന്ധിയുടെ അംബേദ്കര്‍ സ്നേഹത്തെ തുറന്നുകാട്ടുന്ന ഒരു വീഡിയോ ഇപ്പോള്‍ സമൂഹമാധ്യമങ്ങളില്‍ വൈറല്‍ ആയി പ്രചരിക്കുകയാണ്. വീരശിവജിയ്‌ക്ക് മാലയിടാന്‍ മടിക്കാത്ത രാഹുല്‍ ഗാന്ധി പക്ഷെ അംബേദ്കറിന്റെ ഫോട്ടോയെ അവഗണിക്കുകയാണ്. രാഹുല്‍ഗാന്ധിയ്‌ക്ക് എത്രത്തോളം അംബേദ്കര്‍ സ്നേഹമുണ്ടെന്ന് വെളിപ്പെടുത്തുന്നതാണ് ഈ വീഡിയോ.

രാഹുല്‍ ഗാന്ധിയുടെ അംബേദ്കര്‍ അവഗണന എത്രത്തോളം എന്ന് കാണുക:

🚨Take a close look at this video carefully.

Rahul Gandhi garlanded everyone except Bhim Rao Ambedkar. This exposes his disgusting mindset. His fake love for BR Ambedkar is completely evident.

RT MAX.#CongressInsultsAmbedkar #AmitShah Amit Shah ji PM Modi Home Minister pic.twitter.com/pSIJwzw3ml

— Manoj Raj Yadav (@manojyadav4bjp) December 18, 2024

മഹാരാഷ്‌ട്രയിലെ ഒരു ചടങ്ങിന്റെ വീഡിയോ ആണിത്. ഈ ചടങ്ങില്‍ മഹാവികാസ് അഘാഡിയുടെ സഖ്യകക്ഷിയായ ഉദ്ധവ് താക്കറെയും പങ്കെടുക്കുന്നുണ്ട്. ശിവജിയുടെ ചിത്രത്തില്‍ മാല ചാര്‍ത്തിയ ശേഷം അംബേദ്കറെ തഴഞ്ഞ് രാഹുല്‍ ഗാന്ധി നടക്കുമ്പോള്‍ അംബേദ്കറുടെ ചിത്രത്തില്‍ മാലയിടുന്ന ഉദ്ധവ് താക്കറെയെ വ്യക്തമായി കാണാം.

ഇപ്പോള്‍ അംബേദ്കര്‍ പ്രേമം നടിച്ച നീല ഡ്രസ് ധരിച്ചാണ് രാഹുല്‍ ഗാന്ധി പ്രതിഷേധിക്കുന്നത്. മോദി സര്‍ക്കാരിനെ അട്ടിമറിക്കാന്‍ പ്രതിജ്ഞയെടുത്ത ജോര്‍ജ്ജ് സോറോസ് എന്ന അമേരിക്കന്‍ ശതകോടീശ്വരന്‍ പണം നല്‍കുന്ന നിരവധി എന്‍ജിഒകള്‍ നല്‍കുന്ന നിര്‍ദേശങ്ങള്‍ക്ക് അനുസരിച്ച് നീങ്ങുകയാണ് രാഹുല്‍ ഗാന്ധി. രാഹുല്‍ ഗാന്ധിയുടെ ഭാരത് ജോഡോ യാത്ര കോണ്‍ഗ്രസ് പാര്‍ട്ടി ആസൂത്രണം ചെയ്ത പരിപാടി ആയിരുന്നില്ല. ജോര്‍ജ്ജ് സോറോസിന്റെ ഓപ്പണ്‍ സൊസൈറ്റി ഫൗണ്ടേഷന്‍ (ഒഎസ് എഫ്) എന്ന എന്‍ജിഒ സംഘടനയാണ് ഇതിന് പിന്നില്‍. അതിന്റെ ആഗോള വൈസ് പ്രസിഡന്‍റായ സലില്‍ ഷെട്ടി ഭാരത് ജോഡോ യാത്രയില്‍ രാഹുല്‍ ഗാന്ധിയ്‌ക്കൊപ്പം പങ്കെടുക്കുക കൂടി ചെയ്തു. ഇപ്പോള്‍ ഇത്തരം എന്‍ജിഒകളുടെ നിര്‍ദേശപ്രകാരമാണ് രാഹുല്‍ നീല വസ്ത്രം അണിഞ്ഞിരിക്കുന്നത്.

ഹിന്ദു മതത്തിനെ ജാതിയുടെ പേരില്‍ വിഭജിക്കുക എന്നതാണ് എന്‍ജിഒകള്‍ കോണ്‍ഗ്രസിനും ഇന്‍ഡി സഖ്യത്തിനും നല്‍കിയിരിക്കുന്ന നിര്‍ദേശം. മുസ്ലിം വോട്ടുകള്‍ കോണ്‍ഗ്രസിന് ഒറ്റക്കെട്ടായി നേടാന്‍ കഴിയും. കുറച്ച് ഹിന്ദു വോട്ടുകള്‍ കൂടി ജായിതുടെ പേരില്‍ വിഭജിച്ച് കിട്ടിയാല്‍ ഭരണം പിടിക്കാനാകും എന്നതാണ് എന്‍ജിഒകളുടെ കണ്ടെത്തല്‍. ഇത് മുന്‍കൂട്ടി കണ്ടാണ് യോഗി ആദിത്യനാഥ് മഹാരാഷ്‌ട്ര തെരഞ്ഞെടുപ്പില്‍ ബട്ടേംഗെ തൊ കട്ടേംഗെ (ഒറ്റക്കെട്ടായി നിന്നില്ലെങ്കില്‍ തുണ്ടം തുണ്ടമായി ചിതറിപ്പോകും) എന്ന് ഹിന്ദു സമുദായത്തിന് മുന്നറിയിപ്പ് നല്‍കിയത്. മോദി അതിനെ ഏക് ഹെ തൊ സേഫ് ഹെ എന്നാക്കുകയും ചെയ്തു. ഒറ്റക്കെട്ടായി നിന്നാല്‍ ഹിന്ദു സമുദായം സേഫ് ആകും എന്നായിരുന്നു മോദിയുടെ പ്രഖ്യാപനം.