ന്യൂദല്‍ഹി: ഒരു രാജ്യം ഒരു തെരഞ്ഞെടുപ്പ് ബില്ലുകള്‍ പരിശോധിക്കാന്‍ സംയുക്ത പാര്‍ലമെന്ററി സമിതിക്ക് രൂപമായി. ബിജെപിയുടെ പി.പി.ചൗധരിയുടെ നേതൃത്വത്തിലാണ് സമിതി.
ബിജെപി നേതാവ് അനുരാഗ് താക്കൂര്‍,കോണ്‍ഗ്രസ് നേതാവ് പ്രിയങ്ക ഗാന്ധി എന്നിവരും സമിതിയിലുണ്ട്.ആകെ 31 പേരാണ് സമിതിയിലുള്ളത്. ലോക്‌സഭയില്‍നിന്ന് 21 എംപിമാരും രാജ്യസഭയില്‍ നിന്ന് പത്തുപേരും സമിതിയില്‍ ഉള്‍പ്പെടുന്നു. നിയമമന്ത്രി ലോക്‌സഭയില്‍ അവതരിപ്പിച്ച ബില്ലുകള്‍ ജെപിസിക്ക് വിടണമെന്ന പ്രതിപക്ഷത്തിന്റെ ആവശ്യം സര്‍ക്കാര്‍ അംഗീകരിച്ചിരുന്നു.
പി.പി.ചൗധരി, സി.എം.രമേശ്, ബന്‍സുരി സ്വരാജ്, പര്‍ഷോത്തം റുപാല, അനുരാഗ് താക്കൂര്‍, വിഷ്ണു ദയാല്‍ റാം, ഭര്‍തൃഹരി മഹ്താബ്, സംബിത് പത്ര, പ്രിയങ്ക ഗാന്ധി വാദ്ര, മനീഷ് തിവാരി, അനില്‍ ബാലുണി,വിഷ്ണു ദത്ത് ശര്‍മ, സുഖ്‌ദേവ് ഭഗത്, ധര്‍മേന്ദ്ര യാദവ്, കല്യാണ്‍ ബാനര്‍ജി, ടി.എം.സെല്‍വഗണപതി, ജി.എം.ഹരീഷ് ബാലയോഗി, സുപ്രിയ സുലെ, ശ്രീകാന്ത് ഷിന്‍ഡെ, ചന്ദന്‍ ചൗഹാന്‍, ബാലശൗരി വല്ലഭനേനി എന്നിവരാണ് ജെപിസിയിലെ ലോക്‌സഭാ അംഗങ്ങള്‍.
പ്രതികരിക്കാൻ ഇവിടെ എഴുതുക