രാസലഹരി പിടികൂടുന്നതിനിടെ പോലീസിനെ വെട്ടിച്ച് കടന്ന് കളഞ്ഞയാൾ പിടിയിൽ : അറസ്റ്റിലായത് നാലോളം പോലീസ് സ്റ്റേഷനുകളിലെ നോട്ടപ്പുള്ളി

പെരുമ്പാവൂർ : രാസലഹരി പിടികൂടുന്നതിനിടയിൽ രക്ഷപ്പെട്ട പ്രതി പോലീസ് പിടിയിൽ. പുക്കാട്ടുപടി ഊരക്കാട് ചേലക്കാട് ചെറിയാൻ ജോസഫ് (35)നെയാണ് തടിയിട്ട പറമ്പ് പോലീസും, പെരുമ്പാവൂർഎ എസ് പിയുടെ പ്രത്യേക അന്വേഷണ സംഘവും ചേർന്ന് പിടികൂടിയത്.

കഴിഞ്ഞ 27 ന് രാത്രി പൂക്കോട്ട് മോളം ഭാഗത്ത് വച്ച് ഓട്ടോറിക്ഷയിൽ നിന്ന് 24 ഗ്രാം എം.ഡി.എം.എ യുമായി തടിയിട്ടപറമ്പ് പോലീസ് ഇയാളെ പിടികൂടിയിരുന്നു. എംഡിഎംഎ പരിശോധിക്കുന്ന സമയത്ത് തൊട്ടടുത്തുള്ള തോട്ടിലേക്ക് ചാടി ഇയാൾ രക്ഷപ്പെടുകയായിരുന്നു.

തുടർന്ന് ജില്ലാ പോലീസ് മേധാവി വൈഭവ് സക്സേനയുടെ മേൽനോട്ടത്തിൽ പ്രത്യേക ടീം രൂപീകരിച്ച് അന്വേഷണമാരംഭിച്ചു. രക്ഷപ്പെട്ട പ്രതി പൊള്ളാച്ചി ബാംഗ്ലൂർ മുംബൈ ഒഡീഷ എന്നിവിടങ്ങളിൽ ഒളിവിൽ താമസിച്ചു. ഇയാൾ പൊള്ളാച്ചിയിൽ ഉണ്ടെന്ന വിവരം പൊള്ളാച്ചി പോലീസിന് കൈമാറിയെങ്കിലും പോലീസ് ചെന്ന സമയം വെട്ടിച്ച് കടന്നു കളയുകയായിരുന്നു.

മൊബൈൽ ഫോൺ ഉപയോഗിക്കാതിരുന്ന പ്രതിയെ ശാസ്ത്രീയമായ അന്വേഷണത്തിലൂടെ കിഴക്കമ്പലത്തു നിന്നുമാണ് അറസ്റ്റ് ചെയ്തത്. അന്വേഷണസംഘത്തെ കണ്ട് ഓടിരക്ഷപ്പെടാൻ ശ്രമിച്ച ഇയാളെ കിലോമീറ്ററോളം പിന്തുടർന്നാണ് പിടികൂടിയത്. ഒഡീഷയിൽ നിന്ന് കടത്തിയ രണ്ട് കിലോ കഞ്ചാവുമായാണ് പ്രതിയെ പിടികൂടിയത്.

2022ൽ 70 കിലോ കഞ്ചാവുമായി തടിയിട്ടപറമ്പ് പോലീസ് ഇയാളെ അറസ്റ്റ് ചെയ്തിരുന്നു. കൂടാതെ കളമശ്ശേരി തൃക്കാക്കര ഹിൽപാലസ് എടത്തല വിയ്യൂർ തുടങ്ങിയ പോലീസ് സ്റ്റേഷനിൽ ഇയാൾക്കെതിരെ കഞ്ചാവ് മോഷണ കേസുകളുണ്ട്. പ്രതിയെ രക്ഷപ്പെടാൻ സഹായിച്ച കാക്കനാട് ജഡ്ജിമുക്ക് ഓലിക്കൽ വീട്ടിൽ സിജോ ബാബു (26)വിനെ അറസ്റ്റ് ചെയ്ത് കോടതിയിൽ ഹാജരാക്കി റിമാൻഡ് ചെയ്തിരുന്നു

ഡിവൈഎസ്പി പി പി ഷംസ്, ഇൻസ്പെക്ടർ എഎൽ അഭിലാഷ് സബ് ഇൻസ്പെക്ടർ ഉണ്ണി കൃഷ്ണൻ, എഎസ്ഐമാരായ കെ. എ നൗഷാദ്, പി. എ അബ്ദുൽ മനാഫ് സീനിയർ സി. പി. ഒമാരായ ടി. എ അഫ്സൽ , വർഗീസ് ടി വേണാട്ട്, ബെന്നി ഐസക്ക്, കെ.ബി മാഹിൻ ഷാ, സിപിഒമാരായ റോബിൻ ജോയ്, മിഥുൻ മോഹൻ, കെ.എസ് അനൂപ്, മുഹമ്മദ് നൗഫൽ, കെ.ആർ.വിപിൻ, എബിൻ എൽദോസ് എന്നിവരാണ് അന്വേഷണ സംഘത്തിലുണ്ടായിരുന്നത്.