കൊച്ചി:കേരളത്തില്‍ ചാവേര്‍ ബോംബ് ആക്രമണത്തിന് പദ്ധതിയിട്ട് വിചാരണക്കോടതി പത്തുവര്‍ഷത്തെ തടവിന് ശിക്ഷിച്ച റിയാസ് അബൂബക്കറിന് ശിക്ഷാ ഇളവ് നല്‍കി ഹൈക്കോടതി . കൊച്ചിയിലെ എന്‍ ഐ എ കോടതി വിധിച്ച പത്തുവര്‍ഷത്തെ തടവ് ശിക്ഷയാണ് എട്ടു വര്‍ഷമായി കുറച്ചത്.
അഞ്ചുവര്‍ഷമായി ജയിലിലാണ് ഇയാള്‍. പാലക്കാട് കൊല്ലങ്കോട് സ്വദേശി റിയാസ് അബൂബക്കറിനെ 2018ലാണ് എന്‍ ഐ എ അറസ്റ്റു ചെയ്തത്.
ഭീകരസംഘടനയായ ഐ എസിന്റെ കേരള ഘടകം ഉണ്ടാക്കാന്‍ ശ്രമിച്ചെന്നാണ് കേസ്.ചാവേര്‍ സ്‌ഫോടനങ്ങള്‍ക്കും പദ്ധതിയിട്ടെന്നാണ് കേസ്. വിചാരണക്കോടതി വിധിച്ച ശിക്ഷ റദ്ദാക്കണമെന്നാവശ്യപ്പെട്ട് നല്‍കിയ അപ്പീലിലാണ് ജസ്റ്റീസ് രാജാവിജയരാഘവന്‍ , ജസ്റ്റിസ് ജോബിന്‍ സെബാസ്റ്റ്യന്‍ എന്നിവരുള്‍പ്പെട്ട ഡിവിഷന്‍ ബെഞ്ച് വിധി പ്രസ്താവം നടത്തിത്.
പ്രതികരിക്കാൻ ഇവിടെ എഴുതുക