കോട്ടയം: റോഡ് മുറിച്ച് കടക്കവെ സ്‌കൂള്‍ ബസിടിച്ച് വയോധികന്‍ മരിച്ചു. ഭരണങ്ങാനം മറ്റത്തില്‍ ഭൂമിരാജാണ് (80) മരിച്ചത്. തിങ്കളാഴ്ച വൈകിട്ട് നാല് മണിയോടെ ഭരണങ്ങാനം ടൗണില്‍ നിന്ന് ചൂണ്ടച്ചേരിയിലേയ്‌ക്ക് തിരിയുന്ന ജംഗ്ഷനിലായിരുന്നു അപകടം.
ഹോട്ടലില്‍ നിന്ന് ചായ കുടിച്ച ശേഷം റോഡ് മുറിച്ച് കടക്കുമ്പോഴാണ് ഭൂമിരാജിനെ സ്‌കൂള്‍ ബസിടിച്ചത്.റോഡില്‍ വീണ ഭൂമിരാജിന്റെ തലയിലൂടെ സ്‌കൂള്‍ ബസിന്റെ പിന്‍ ചക്രം കയറിയിറങ്ങി.ഭൂമിരാജിനെ കുറച്ച് ദൂരം വലിച്ചിഴച്ച ശേഷമാണ് ബസ് നിര്‍ത്തിയത്. ഭൂമിരാജ് സംഭവസ്ഥലത്ത് തന്നെ മരിച്ചു.
ചൂണ്ടച്ചേരി സാന്‍ജോസ് പബ്ലിക് സ്‌കൂളിലെ വിദ്യാര്‍ഥികളുമായി പോയ ബസാണ് അപകടത്തില്‍ പെട്ടത്. മൃതദേഹം പാലാ ജനറല്‍ ആശുപത്രിയിലേക്ക് മാറ്റി.
തമിഴ്നാട് സ്വദേശി ഭൂമിരാജും കുടുംബവും 50 വര്‍ഷത്തോളമായി ഭരണങ്ങാനത്താണ് താമസിക്കുന്നത്. ഭാര്യ: പരേതയായ അഴകമ്മ. മക്കള്‍: ശെല്‍വരാജ്, ദുരൈരാജ്, രാസാത്തി, നാഗരാജ്, പരേതയായ ജ്യോതി. സംസ്‌കാരം പിന്നീട് നടക്കും.
പ്രതികരിക്കാൻ ഇവിടെ എഴുതുക: