പത്തനംതിട്ട : ചുട്ടിപ്പാറ നഴ്‌സിംഗ് കോളേജിലെ വിദ്യാര്‍ഥിനി അമ്മു സജീവ് എഴുതിയ കുറിപ്പ് കുടുംബം പുറത്തുവിട്ടു.തിങ്കളാഴ്ച ഹോസ്റ്റലില്‍ നിന്ന് അമ്മുവിന്റെ വസ്തുവകകള്‍ പിതാവ് സജീവന്‍ എടുത്തു കൊണ്ടു പോയിരുന്നു. അതിനിടയില്‍ നിന്നാണ് രണ്ട് വരി കുറിപ്പ് ലഭിച്ചത്.
ഞാന്‍ അമ്മു സജീവ്. കുറച്ച് നാളുകളായി ചില കുട്ടികളില്‍ നിന്നും എനിക്ക് പരിഹാസവും മാനസികമായി ബുദ്ധിമുട്ടിക്കു.. എന്നാണ് അപൂര്‍ണമായ കത്ത്.
അതിനിടെ അമ്മുവിന്റെ മരണത്തെ തുടര്‍ന്ന് വിവാദത്തിലായ ചുട്ടിപ്പാറ നഴ്‌സിംഗ് കോളേജിലെ പ്രിന്‍സിപ്പാള്‍ അബ്ദുള്‍ സലാമിനെ സ്ഥലംമാറ്റി.എന്നാല്‍ സ്ഥലംമാറ്റം സാധാരണ നടപടിയെന്നാണ് ഔദ്യോഗിക വിശദീകരണം.പത്തനംതിട്ട ജില്ലയില്‍ തന്നെ സീപാസിന് കീഴിലുള്ള സീതത്തോട് നഴ്‌സിംഗ് കോളേജിലേക്കാണ് മാറ്റം.
മറ്റൊരു സംഭവത്തില്‍ കോളേജിലെ സൈക്കാട്രി വിഭാഗം അധ്യാപകന്‍ സജിക്കെതിരെ അമ്മുസജീവിന്റെ കുടുംബം പരാതി നല്കി.അമ്മു മരിച്ച ദിവസം അധ്യാപകന്റെ സാന്നിധ്യത്തില്‍ സഹപാഠികള്‍ മാനസികമായി പീഡിപ്പിച്ചെന്നും കുറ്റവിചാരണ നടത്തി എന്നുമാണ് ആക്ഷേപം.കേസില്‍ അധ്യാപകനായ സജിയെ കൂടി പ്രതിചേര്‍ക്കണമെന്നാണ് കുടുംബത്തിന്റെ ആവശ്യം.
അമ്മുവിന്റെ മരണത്തില്‍ ആത്മഹത്യ പ്രേരണയ്‌ക്ക് അറസ്റ്റിലായ മൂന്ന് വിദ്യാര്‍ത്ഥിനികളെ കോളേജില്‍ നിന്ന് സസ്‌പെന്‍ഡു ചെയ്തിട്ടുണ്ട്.
പ്രതികരിക്കാൻ ഇവിടെ എഴുതുക: