ശബരിമല : തിരക്കുവര്ധിച്ചതോടെ ശബരിമലയില് സി സി ടി വി നിരീക്ഷണം ശക്തമാക്കി.പമ്പ മുതല് സന്നിധാനം വരെയുള്ള പ്രദേശങ്ങളിലാണ് പൊലീസ് പരിശോധനയും സി സി ടി വി നിരീക്ഷണവും ശക്തമാക്കിയത്. പൊലീസ്, ദേവസ്വം വിജിലന്സ് എന്നിവരുടെ 258 ക്യാമറകളാണ് ഈ പ്രദേശങ്ങളില് സ്ഥാപിച്ചിട്ടുള്ളത്.
ക്ഷേത്ര പരിസരം 24 മണിക്കൂറും 48 ക്യാമറകളുടെ നിരീക്ഷണത്തിലാണ്. പൊലീസിന്റെ 16, വിജിലന്സിന്റെ 32 ക്യാമറകളാണ് ഇവിടെ ഉളളത്. ചാലക്കയം മുതല് പാണ്ടിത്താവളം വരെ പൊലീസ് 60 ക്യാമറകളാണ് സ്ഥാപിച്ചിട്ടുള്ളത്.
സന്നിധാനത്തെ കണ്ട്രോള് റൂമിന്റെ മേല്നോട്ടം പൊലീസ് സ്പെഷ്യല് ഓഫിസര്ക്കാണ്.
ക്യാമറയില് പതിയുന്ന നിയമലംഘനങ്ങളില് അപ്പപ്പോള് നടപടികള് സ്വീകരിക്കുന്നുണ്ട്. പമ്പ മുതല് സോപാനം വരെയുള്ള തത്സമയ ദൃശ്യങ്ങള് ലഭിക്കുന്നത് തീര്ഥാടകരുടെ തിരക്ക് നിയന്ത്രിക്കാന് സഹായകമാണ്.തീര്ഥാടകരുടെ ആവശ്യാനുസരണം മെഡിക്കല് ടീം, ആംബുലന്സ്, ട്രോളി, അഗ്നി ശമന വിഭാഗം എന്നിവരെ അറിയിക്കാനും സി സി ടി വി ക്യാമറകള് ഉപയോഗപ്പെടുന്നു.
സുരക്ഷയ്ക്കായി ദേവസ്വം വിജിലന്സ് ആകെ 172 സി.സി.ടി.വി ക്യാമറകളാണ് ശബരിമലയുടെ വിവിധ/യിടങ്ങളില് സ്ഥാപിച്ചിട്ടുള്ളത്. മരക്കൂട്ടം മുതല് സന്നിധാനം വരെ 160 ക്യാമറകളും സോപാനത്തില് 32 ക്യാമറകളുമാണ് സ്ഥാപിച്ചിട്ടുള്ളത്.
