തൃശൂര്‍:ഗുണ്ടയെ പിടികൂടാന്‍ ശ്രമിച്ച സിഐക്ക് കുത്തേറ്റു. ഒല്ലൂര്‍ സിഐ ഫര്‍ഷാദിനാണ് കുത്തേറ്റത്.
അഞ്ചേരി അയ്യപ്പന്‍ കാവ് ക്ഷേത്രത്തിന് സമീപം കാപ്പ പ്രതിയെ പിടികൂടാന്‍ എത്തിയപ്പോഴാണ് കുത്തേറ്റത്. മൂന്ന് തവണയാണ് മാരിമുത്തു എന്ന ഗുണ്ട സിഐയെ കുത്തിയത്.
കാപ്പാ പ്രതിയെ വിട്ടയച്ചില്ലെങ്കില്‍ പൊലീസ് സ്‌റ്റേഷന്‍ ബോംബ് വച്ച് തകര്‍ക്കുമെന്ന് ഇയാള്‍ ഭീഷണിമുഴക്കിയിരുന്നു. ഫോണ്‍ സന്ദേശം ലഭിച്ചതിന് പിന്നാലെ മാരിമുത്തുവിനെ അറസ്റ്റ് ചെയ്യാന്‍ പോയതായിരുന്നു സിഐയുടെ നേതൃത്വത്തിലുള്ള സംഘം.
ഈ സമയമാണ് ഇയാള്‍ ആക്രമണം നടത്തിയത്. കൈക്കാണ് സിഐക്ക് കുത്തേറ്റത്. ആരോഗ്യനില തൃപ്തികരം. മാരിമുത്തു അടക്കം മൂന്ന് പേരെ പൊലീസ് കസ്റ്റഡിയിലെടുത്തു.
പ്രതികരിക്കാൻ ഇവിടെ എഴുതുക: