സിംഗപ്പൂര് സിറ്റി: അഞ്ച് മണിക്കൂര് 20 മിനിറ്റ് നീണ്ട കളിയുടെ 40ാം നീക്കത്തില് കറുത്ത കരുക്കള് ഉപയോഗിച്ച് കളിക്കുന്ന ഡിങ്ങ് ലിറന് വലിയൊരു അബദ്ധം വരുത്തി. അതിന്റെ മുറിവില് നിന്നും പിന്നീട് 45ാം നീക്കത്തിലാണ് ഡിങ്ങ് ലിറന് രക്ഷപ്പെട്ടത്. പിന്നീട് 72ാം നീക്കംവരെ സമനിലയുടെ സ്വഭാവമായിരുന്നു ഏഴാം ഗെയിമിന്. തോല്വിയുടെ വക്കില് എത്തിയ ഗെയിമിനെ മനസ്സാന്നിധ്യം കൊണ്ട് സമനിലയിലേക്ക് എത്തിക്കുകയായിരുന്നു ഡിങ് ലിറന്. 2024ല് ഇതുവരെ പങ്കെടുത്ത ടൂര്ണ്ണമെന്റുകളില് അണ്ടര് പെര്ഫോമറായി അഭിനയിക്കുകയായിരുന്നു ഈ ചൈനക്കാരനായ സൂത്രശാലി എന്നാണ് ഇപ്പോള് പുറത്തുവരുന്ന വിവരം.ലോകകിരീടപ്പോരാട്ടത്തിന് രഹസ്യമായി മികച്ച തയ്യാറെടുപ്പുകള് ഡിങ്ങ് ലിറന് നടത്തിയിരുന്നു എന്ന സൂചനകളാണ് പുറത്തുവരുന്നത്. അല്ലാതെ ഇത്രയും തോല്വിയിലേക്ക് വീണുപോയ ഒരു ഗെയിമിനെ വീണ്ടെടുക്കാനാവില്ല.
പതിവുപോലെ പസിലുകള് കളിച്ച ശേഷമാണ് ഏഴാം ഗെയിമിലും വെള്ളക്കരുക്കള് ഉപയോഗിച്ച് കളിക്കാന് ഗുകേഷ് എത്തിയത്. രാവിലെ എണീറ്റാല് പസില് കളിക്കലാണ് ഗുകേഷിന്റെ ഹോബി. മൂന്ന് മിനിറ്റില് 53 പസിലുകളുടെ വരെ ഉത്തരം കണ്ടുപിടിക്കാനുള്ള കഴിവ് ഗുകേഷിനുണ്ട്. പസിലുകള് മനസ്സിനെ ഉഷാറാക്കും എന്നതാണ് ഗുകേഷിന്റെ തിയറി.
ഏഴാം ഗെയിമിലെ 22ാം നീക്കം വരെയുള്ള കരുനീക്കങ്ങള്:
1 Nf3 d5
2 g3 g6
3 d4 Bg7
4 c4 c6
5 Bg2 Nf6
6 O-O O-O
7 Re1 dxc4
8 e4 Bg4
9 Nbd2 c5
10 d5 e6
11 h3 Bxf3
12 Bxf3 exd5
13 exd5 Nbd7
14 Nxc4 b5
15 Na3 Qb6
16 Bf4 Rfe8
17 Qd2 Rad8
18 Nc2 Nf8
19 b4 c4
20 Be3 Qa6
21 Bd4 Rxe1+
22 Rxe1 Qxa2
റൂക്കിനെ (തേര്) ഇ1 കളത്തിലേക്ക് തള്ളുന്ന ഗുകേഷിന്റെ 22ാം നീക്കം അത്ഭുതപ്പെടുത്തുന്ന നീക്കമായിരുന്നു. ടോയ്ലറ്റില് നിന്നും തിരിച്ചുവന്നപ്പോള് ഗുകേഷ് നടത്തിയ ഈ നീക്കം കണ്ട് അമ്പരന്നുപോയി എന്നാണ് ഡിങ്ങ് ലിറന് പിന്നീട് പ്രതികരിച്ചത്. “അമ്പരക്കാതിരിക്കുന്നതെങ്ങിനെ? ഒരു ലോകചാമ്പ്യന്ഷിപ്പിലും കാണാത്ത അത്രയും നവീനമായ ഒരു നീക്കമാണിത്. “- മാഗ്നസ് കാള്സന് പറയുന്നു. എട്ടാമത്തെ നീക്കം നടത്താന് ഡിങ്ങ് ലിറന് 28 മിനിറ്റോളം ചിന്തിക്കാനെടുത്തു. എന്നിട്ടാണ് ഡി ⤰സി4 എന്ന നീക്കം നടത്തിയത്. 26ാം നീക്കത്തില് ആര്എ5 എന്ന നീക്കം 23 മിനിറ്റോളം ചിന്തിച്ചശേഷം ഗുകേഷ് എടുത്ത തീരുമാനമാണ്. അതോടെ വിജയം തന്റെ ഭാഗത്തായിരിക്കുമെന്ന് ഗുകേഷ് കരുതി.
ഏഴാം ഗെയിമിലെ 45ാം നീക്കം വരെയുള്ള കരുനീക്കങ്ങള്:
23 Ra1 Qb3
24 Ra3 Qb1+
25 Kg2 Rd7
26 Ra5 Qb3
27 Ra3 Qb1
28 Ra5 Qb3
29 Rxb5 Qd3
30 Qf4 Qxc2
31 Bxf6 Qf5
32 Qxf5 gxf5
33 Bxg7 Kxg7
34 Rc5 Ng6
35 Rxc4 Ne5
36 Rd4 Nc6
37 Rf4 Ne7
38 b5 Kf6
39 Rd4 h6
40 Kf1 Ke5
41 Rh4 Nxd5
42 Rxh6 Nc3
43 Rc6 Ne4
44 Ke1 f6
45 h4 Rd3
“വിജയത്തിന് അര്ഹന് ഗുകേഷ് ആയിരുന്നു. പക്ഷെ ഗെയിമിനെ രക്ഷിച്ചെടുക്കുകയായിരുന്നു ഡിങ്ങ് ലിറന്”- ഏഴാം ഗെയിം വിശകലനം ചെയ്ത പീറ്റര് ലികോ പറയുന്നു. ഗുകേഷിന്റെ 40ാം നീക്കം കെഎഫ്1 ആയിരുന്നു. ഇതിന് ബദലായി ഡിങ്ങ് ലിറന് നീക്കിയത് കെഇ5 എന്ന നീക്കമാണ്. അത് വലിയ അബദ്ധമായിരുന്നു. ഗുകേഷ് വിജയം കൈപ്പിടിയിലൊതുക്കുമെന്ന് എല്ലാവരും കരുതി. ഗുകേഷിന്റെ 41ാം നീക്കം ആര്എച്ച്4 ആയിരുന്നു. ഇതോടെ കാര്യങ്ങള് കൈവിട്ടുപോയി എന്ന് ഡിങ്ങ് ലിറന് തോന്നി. ഓപ്പണിംഗ് ഗെയിമില് ഗുകേഷ് മുന്നേറി, മിഡില് ഗെയിമിലും ഗുകേഷ് മുന്നേറി, ഇനിയിപ്പോള് എന്ഡ് ഗെയിമിലും ഗുകേഷ് മുന്നേറുമെന്ന് ഡിങ്ങ് ലിറന് കരുതി. 44ാം നീക്കം ഗുകേഷ് കെഇ1 എന്ന് നീക്കിയതോടെ പരാജയം സമ്മതിക്കാം എന്ന് വരെ ഒരു നിമിഷം ചിന്തിച്ചതായി ഡിങ്ങ് ലിറന് പറയുന്നു. കച്ചിത്തുരുമ്പില് തൂങ്ങിക്കിടക്കാമെന്ന് കരുതി എഫ്6 എന്ന 44ാം നീക്കം ഡിങ്ങ് ലിറന് നടത്തി. ഗുകേഷിന്റെ എച്ച്4 എന്ന 45ാം നീക്കം പിഴവായിരുന്നു. അത് വീണ്ടും ഡിങ്ങ് ലിറന് പ്രതീക്ഷ നല്കി. എഫ്4 എന്ന 46ാം നീക്കം കളിയിലേക്ക് തിരിച്ചുവരുന്നതിന് ഡിങ്ങ് ലിറനെ സഹായിച്ചു.
ഏഴാം ഗെയിമിലെ 72ാം നീക്കം വരെയുള്ള കരുനീക്കങ്ങള്:
46. Bd1 f4
47. gxf4+ Kxf4
48. Bc2 Rd5
49. Rc4 f5
50. Rb4 Kf3
51. Bd1+ Kg2
52. Rb3 Re5
53. f4 Re7
54. Re3 Rh7
55. h5 Nf6
56. Re5 Nxh5
57. Rxf5 Ng3
58. Rf8 Rb7
59. Ba4 Kf3
60. f5 Kf4
61. f6 Ne4
62. Bc2 Nd6
63. Rd8 Ke5
64. Bb3 Nf7
65. Rd5+ Kxf6
66. Kd2 Rb6
67. Bc4 Rd6
68. Kc3 Rxd5
69. Bxd5 Nd6
70. Kb4 Nxb5
71. Kxb5+ a6+
72. Kxa6 (കളി സമനിലയില് പിരിഞ്ഞു)
അവിടുന്നങ്ങോട്ട് 72ാം നീക്കം വരെ സമനിലയുടെ സ്വഭാവമായിരുന്നു ഗെയിമിന്. ഇത്രയ്ക്കും കൃത്യതയോടെ നടന്ന ഒരു ഗെയിം വേറെയില്ലെന്നായിരുന്നു ഗുകേഷിന്റെ പ്രതികരണം. ഇന്ന് താന് ഐസ് ക്രീം രുചിക്കുക തന്നെ ചെയ്യുമെന്ന് ഡിങ്ങ് ലിറന്. കാരണം തോല്വിയുടെ വായില് നിന്നും തന്റെ ഗെയിമിനെ രക്ഷിച്ചെടുക്കുകയായിരുന്നു ഡിങ്ങ് ലിറന്.
എന്തായാലും തുല്യശക്തികളുടെ പോരാട്ടമാണ് സിംഗപ്പൂരില് ലോക ചെസ് കിരീടത്തിനായി കാണുന്നത്.
സിംഗപ്പൂരില് രക്തച്ചൊരിച്ചില് നടക്കും എന്ന മാഗ്നസ് കാള്സന്റെ പ്രവചനമൊക്കെ കാറ്റില് പറുന്നു. ഗുകേഷ് അനായാസം ജയിക്കുമെന്ന വിലയിരുത്തലാണ് മാഗ്നസ് കാള്സന് ഉള്പ്പെടെയുള്ളവര് നടത്തിയത്.
പക്ഷെ ക്ലോക്കില് സമ്മര്ദ്ദത്തെ മറികടന്ന് സമയം പാലിക്കുന്ന കാര്യത്തില് ഗുകേഷ് തന്നെയാണ് മുന്നില്. മിഡില് ഗെയിമിലും എന്ഡ് ഗെയിമിലും സമയനിഷ്ഠ പാലിക്കുന്നതില് ഗുകേഷ് കിറുകൃത്യമാണ്. ഇവിടെ പലപ്പോഴും കളിയുടെ സമ്മര്ദ്ദങ്ങള്ക്ക് മുന്പില് സമയത്തില് പിഴവ് വരുത്തുകയാണ് ഡിങ്ങ് ലിറന്. ഇതാണ് ഗുകേഷ് ഈ ലോകചെസ് കിരീടപ്പോരാട്ടത്തില് വിജയിക്കുമെന്ന് പലരും വിലയിരുത്തുന്നത്.
