കാലിത്തീറ്റയുമായി വന്ന ലോറി വീടിനു മുകളിലേക്ക് മറിഞ്ഞു; ഉറങ്ങിക്കിടക്കുകയായിരുന്ന നാല് പേര്‍ക്ക് പരിക്ക്, അപകടം ഇന്ന് പുലർച്ചെ

പത്തനംതിട്ട: എം.സി റോഡിൽ കാലിത്തീറ്റയുമായി വന്ന ലോറി വീടിന് മുകളിലേക്ക് മ റിഞ്ഞ് നാലു പേർക്ക് പരിക്ക്. വീട് പൂർണമായും തകർന്നു. വീട്ടിലുണ്ടായിരുന്ന രാജേഷ്, ഭാര്യ ദീപ, മക്കളായ മീനാക്ഷി, മീര എന്നിവരെ പരിക്കുകളോടെ ആശുപത്രിയിൽ പ്രവേശിപ്പിച്ചു. ഇന്ന് പുലർച്ചെ അഞ്ചേ മുക്കാൽ മണിയോടെയായിരുന്നു അപകടം.

ലോ റിയിലുണ്ടായിരുന്ന ഡ്രൈവർക്കും ക്ലീനർക്കും പരിക്കേറ്റിട്ടുണ്ട്. ഇതിലൊരാളുടെ തലയ്‌ക്കാണ് പരിക്കേറ്റത്. തിരുവനന്തപുരം ആറ്റിങ്ങലിലേക്ക് പോവുകയായിരുന്ന ലോ റിയാണ് അപകടത്തിൽപ്പെട്ടത്. ഡ്രൈവർ ഉറങ്ങിപ്പോയതാണോ അപകടത്തിന് കാരണമെന്ന് വ്യക്തമല്ല. എംസി റോഡിനോട് ചേര്‍ന്ന് താഴ്ചയിലായാണ് വീട് ഉണ്ടായിരുന്നത്. നിയന്ത്രണംവിട്ട ലോറി വീടിന് മുകളിലേക്ക് മറിയുകയായിരുന്നു.

എം. സി റോഡിലെ കൂരമ്പാല നിരന്തരം അപകടം ഉണ്ടാകുന്ന സ്ഥലമാണ്.