കോട്ടയം: താലൂക്ക് തലത്തില് ജനങ്ങളുടെ പരാതികള് പരിഹരിക്കുന്നതിനായി മന്ത്രിമാരുടെ നേതൃത്വത്തില് നടക്കുന്ന ‘കരുതലും കൈത്താങ്ങും’ പരാതി പരിഹാര അദാലത്ത് ഡിസംബര് ഒന്പതു മുതല് 16 വരെ കോട്ടയം ജില്ലയില് അഞ്ചു താലൂക്കുകളിലായി നടക്കും. മന്ത്രിമാരായ വി.എന്. വാസവന്റെയും റോഷി അഗസ്റ്റിന്റെയും നേതൃത്വത്തിലാണ് ജില്ലയിലെ അദാലത്തുകള്. ഡിസംബര് ഒന്പതിനു കോട്ടയം താലൂക്കിലും പത്തിന് ചങ്ങനാശേരി താലൂക്കിലും 12ന് കാഞ്ഞിരപ്പള്ളി താലൂക്കിലും 13ന് മീനച്ചില് താലൂക്കിലും 16ന് വൈക്കം താലൂക്കിലും അദാലത്തുകള് നടക്കും.
നവംബര് 29 മുതല് പൊതുജനങ്ങള്ക്ക് അക്ഷയ കേന്ദ്രങ്ങള് മുഖേനയോ, ഓണ്ലൈന് മുഖേനയോ, താലൂക്ക് കേന്ദ്രങ്ങളില് സജ്ജമാക്കിയിട്ടുള്ള അദാലത്ത് കൗണ്ടറുകള് മുഖേനയോ പരാതികള്/ അപേക്ഷകള് സമര്പ്പിക്കാം. ഡിസംബര് ആറുവരെ പരാതികള് സ്വീകരിക്കും. കരുതല് എന്ന പോര്ട്ടലിലൂടെയാകും അപേക്ഷകളില് നടപടികള് സ്വീകരിക്കുക. പരാതികക്ഷിയുടെ പേര്, വിലാസം, മൊബൈല് നമ്പര്, ജില്ല, താലൂക്ക് എന്നിവ നിര്ബന്ധമായും പരാതിയില് ഉള്പ്പെടുത്തണം. അപേക്ഷകര് പരാതിയുടെ കൈപ്പറ്റ് രസീത് വാങ്ങണം.
‘കരുതലും കൈത്താങ്ങും’ പരാതി പരിഹാര അദാലത്ത് കോട്ടയം ജില്ലയില് ഡിസംബര് 9 മുതല് , പരാതികള് നവംബര് 29 മുതല് നല്കാം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.