കൊച്ചി: എറണാകുളം ജില്ലയിലെ ഏഴ് തദ്ദേശ സ്ഥാപനങ്ങളുടെ വാര്ഷിക പദ്ധതി ഭേദഗതിക്ക് കൂടി അംഗീകാരം. എടത്തല, കവളങ്ങാട്, കീഴ്മാട്, ഒക്കല്, നെടുമ്പാശേരി, കോട്ടപ്പടി ഗ്രാമപഞ്ചായത്തുകളുടെയും മരട് മുനിസിപ്പാലിയുടെയും വാര്ഷിക പദ്ധതി ഭേദഗതിയാണ് പുതുതായി പരിഗണിച്ചത്. ഇതോടെ 82 ഗ്രാമപഞ്ചായത്തുകളും, 14 ബ്ലോക്ക് പഞ്ചായത്തുകളും, 13 മുനിസിപ്പാലിറ്റികളും, കോര്പ്പറേഷനും, ജില്ലാ പഞ്ചായത്തും അടക്കം ജില്ലയിലെ മുഴുവന് തദ്ദേശ സ്ഥാപനങ്ങളുടെയും 2024-25 വാര്ഷിക പദ്ധതി ഭേദഗതിക്ക് ഇതോടെ അംഗീകാരമായി.
ജല് ജീവന് മിഷനുമായി ബന്ധപ്പെട്ട് ചില റോഡുകള് പൊളിച്ചിട്ടിരിക്കുന്നതിനാല് വാര്ഷിക പദ്ധതിയില് ഉള്പ്പെടുത്തിയിട്ടുളള റോഡുകളുടെ പണിക്ക് കാലതാമസം നേരിടുന്നുണ്ട്. ഇത് പരിഹരിക്കുന്നതിനു സത്വര നടപടി കൈക്കൊള്ളുമെന്ന് പഞ്ചായത്തു പ്രസിഡന്റ്മാര് ഉന്നയിച്ച ചോദ്യത്തിനു മറുപടിയായി അധ്യക്ഷന് പറഞ്ഞു.
പൂതൃക്ക, ചെങ്ങമനാട് പഞ്ചായത്തുകളുടെ ഹെല്ത്ത് ഗ്രാന്റ് പദ്ധതി ഭേദഗതിക്ക് അംഗീകാരം നല്കി.
