ആലപ്പുഴ:മദ്യ ലഹരിയില്‍ അയല്‍വാസിയായ വീട്ടമ്മയെ ആക്രമിച്ച പ്രതി അറസ്റ്റില്‍. കാര്‍ത്തികപ്പള്ളിയിലാണ് സംഭവം.
ചൂടുകാട്ടുപറമ്പ് കോളനിയിലെ രാജനെയാണ് തൃക്കുന്നപ്പുഴ പൊലീസ് അറസ്റ്റ് ചെയ്തത്.
രാജന്റെ ആക്രമണത്തില്‍ ഇയാളുടെ അയല്‍വാസി ലീലയ്‌ക്ക് പരിക്കേറ്റു. കസ്റ്റഡിയിലെടുക്കാന്‍ ശ്രമിക്കവെ കൈയിലുണ്ടായിരുന്ന കത്തി ഉപയോഗിച്ച് പൊലീസിനെ ആക്രമിക്കാനും ഇയാള്‍ ശ്രമിച്ചു.
സ്ഥിരമായി മദ്യപിച്ച് പ്രശ്‌നം ഉണ്ടാക്കുന്ന ആളാണ് രാജനെന്നും ഇയാള്‍ക്കെതിരെ നിരവധി കേസുകള്‍ നിലവിലുണ്ടെന്നും പൊലീസ് പറഞ്ഞു.
രാജന്‍ ഹൃദ്രോഗി ആണെന്നതിനാല്‍ നേരത്തേ പലതവണ പൊലീസ് കസ്റ്റഡിയിലെടുത്തിട്ടുണ്ടെങ്കിലും വിട്ടയക്കുകയായിരുന്നു. എല്ലാദിവസവും പൊലീസ് സ്‌റ്റേഷനിലെത്തി ഒപ്പിടണമെന്ന നിബന്ധനയിലായിരുന്നു മുന്‍പ് രാജനെ വിട്ടയച്ചത്.
പ്രതികരിക്കാൻ ഇവിടെ എഴുതുക: