കൊല്ലം: എംഡിഎംഎയുമായി കോണ്‍ഗ്രസ് പ്രദേശിക നേതാവും സുഹൃത്തും പിടിയില്‍.അഞ്ചലില്‍ ആണ് സംഭവം. 81 ഗ്രാം എംഡിഎംഎയാണ്
ഇവരില്‍ നിന്ന് പിടിച്ചെടുത്തത്.
കോണ്‍ഗ്രസ് പ്രാദേശിക നേതാവായ ഓട്ടോ റിക്ഷാ ഡ്രൈവര്‍ കോട്ടവിള ഷിജു, സുഹൃത്ത് ഏറം സ്വദേശി സാജന്‍ എന്നിവരാണ് പിടിയിലായത്. കൊല്ലം റൂറല്‍ പൊലീസ് ഡാന്‍സാഫ് സംഘമാണ് പ്രതികളെ പിടികൂടിയത്.രഹസ്യവിവരം കിട്ടിയത് അനുസരിച്ച് നടത്തിയ പരിശോധനയിലാണ് ഓട്ടോറിക്ഷയില്‍ കടത്തിയമാരക രാസലഹരി പിടികൂടിയത്.
തിങ്കളാഴ്ച ഉച്ചയ്‌ക്ക് കോട്ടവിള ഷിജുവിന്റെ ഓട്ടോറിക്ഷയില്‍ നിന്ന് നാല് ഗ്രാം എംഡിഎംഎ കണ്ടെടുത്തിരുന്നു.തുടര്‍ന്ന് ചോദ്യം ചെയ്യലിലാണ് സാജന്റെ വീട്ടില്‍ എംഡിഎംഎ ഒളിപ്പിച്ചിട്ടുണ്ടെന്ന് വിവരം ഷിജു വെളിപ്പെടുത്തിയത്.പരിശോധനയില്‍ സാജന്റെ വീട്ടില്‍ നിന്ന് 77 ഗ്രാം എംഡിഎംഎ കൂടി കണ്ടെടുത്തു. വില്‍പനയ്‌ക്കായി പ്രതികള്‍ക്ക് എംഡിഎംഎ എത്തിച്ചു നല്‍കിയ കൂട്ടാളിക്ക് വേണ്ടിയും പൊലീസ് അന്വേഷണം തുടങ്ങി. കോണ്‍ഗ്രസ് ബൂത്ത് പ്രസിഡന്റായിരുന്ന കോട്ടവിള ഷിജുവിന് നിലവില്‍ ചുമതലകള്‍ ഒന്നും ഇല്ലെന്നാണ് കോണ്‍ഗ്രസ് വിശദീകരണം.
പ്രതികരിക്കാൻ ഇവിടെ എഴുതുക