ഇടുക്കി: ബൈസണ്‍വാലിയില്‍ പെണ്‍മക്കളെ പീഡിപ്പിച്ച പിതാവിനെ രാജാക്കാട് പൊലീസ് അറസ്റ്റ് ചെയ്തു. 19, 17, 16 വയസുള്ള മൂന്നു പെണ്‍കുട്ടികളെയാണ് ഇയാള്‍ പീഡിപ്പിച്ചിരുന്നത്.
സ്‌കൂളില്‍ നടത്തിയ കൗണ്‍സിലിംഗില്‍ കുട്ടികളിലൊരാള്‍ പീഡന വിവരം വെളിപ്പെടുത്തി. സ്‌കൂള്‍ അധികൃതര്‍ ചൈല്‍ഡ് ലൈനില്‍ വിവരമറിയിച്ചു. തുടര്‍ന്ന് പൊലീസ് നടത്തിയ അന്വേഷണത്തിലാണ് ഇയാളെ അറസ്റ്റു ചെയ്തത് . മാനസിക വെല്ലുവിളി നേരിടുന്നയാളാണ് കുട്ടികളുടെ അമ്മ.
മാതാവ് മരുന്ന് കഴിച്ച് മയങ്ങിക്കിടക്കുന്ന വേളയിലാണ് വര്‍ഷങ്ങളായി പിതാവ് കുട്ടികളെ പീഡിപ്പിച്ചിരുന്നത്. വിവരം പുറത്ത് പറഞ്ഞാല്‍ കൊന്നുകളയുമെന്ന് കത്തികാട്ടി ഭീഷണിപ്പെടുത്തിയിരുന്നതായും കുട്ടികള്‍ മൊഴി നല്‍കി. 45 വയസുള്ള ആളാണ് പ്രതി. പോക്‌സോ വകുപ്പ് ഉള്‍പ്പെടെ ചുമത്തിയാണ് പ്രതിയെ അറസ്റ്റ് ചെയ്തത്.
പ്രതികരിക്കാൻ ഇവിടെ എഴുതുക: