ന്യൂഡല്‍ഹി : ലോകത്തിലെ ഏറ്റവും വലിയ വിദ്യാര്‍ത്ഥി സംഘടനയായ എബിവിപിയിലെ അംഗസംഖ്യ 55,12,470 ആയി ഉയർന്നു . ഉത്തർപ്രദേശിലെ ഗോരഖ്പൂരിൽ നടന്ന വിദ്യാർത്ഥി പരിഷത്തിന്റെ ദേശീയ കൺവെൻഷനിൽ അഖില ഭാരതീയ വിദ്യാർത്ഥി പരിഷത്ത് ദേശീയ ജനറൽ സെക്രട്ടറി യാജ്ഞവൽക്യ ശുക്ലയാണ് ഇക്കാര്യം വ്യക്തമാക്കിയത് . വിദ്യാർത്ഥി പരിഷത്തിന്റെ സംഘടനാ റിപ്പോർട്ട് അവതരിപ്പിക്കുകയായിരുന്നു അദ്ദേഹം.
വിദ്യാർത്ഥി പരിഷത്തിന്റെ നിരന്തര പ്രവർത്തനങ്ങൾ രാജ്യത്തുടനീളമുള്ള വിദ്യാഭ്യാസ സ്ഥാപനങ്ങളിലെ വിദ്യാർത്ഥികളുടെ പ്രശ്നങ്ങൾ ഏറ്റെടുക്കുകയും ഉയർത്തിക്കാട്ടുകയും ചെയ്തു . വിദ്യാർത്ഥികളുടെ വിശ്വാസം നേടിയെടുക്കാനും സംഘടനയ്‌ക്ക് കഴിഞ്ഞു. വിദ്യാഭ്യാസ സ്ഥാപനങ്ങളുടെ പ്രശ്നങ്ങൾ വിദ്യാർത്ഥി പരിഷത്ത് പലപ്പോഴും . അങ്ങനെ നമ്മുടെ വിദ്യാഭ്യാസ സ്ഥാപനങ്ങളിൽ പഠിക്കുന്ന വിദ്യാർത്ഥികളുടെ ഭാവി സുരക്ഷിതമാക്കാനായി . രാജ്യത്തെ വിദ്യാഭ്യാസ സ്ഥാപനങ്ങളിൽ സ്ത്രീ സുരക്ഷയ്‌ക്കും സ്ത്രീ ശാക്തീകരണത്തിനും വേണ്ടി ശബ്ദമുയർത്താനും സംഘടനയ്‌ക്ക് കഴിഞ്ഞതായി യാജ്ഞവൽക്യ ശുക്ല പറഞ്ഞു.
കഴിഞ്ഞ വർഷം നടന്ന എബിവിപി ദേശീയ സമ്മേളനം വരെ 50,65,264 വിദ്യാര്‍ത്ഥികളാണ് സംഘടനയിൽ അംഗത്വമെടുത്തിരുന്നത് .
പ്രതികരിക്കാൻ ഇവിടെ എഴുതുക: