‘ ഞാൻ ഹിന്ദുവായി ‘ ; തിരുപ്പതിയിൽ വച്ച് ഹിന്ദു ആചാരപ്രകാരം വിവാഹം നടക്കണമെന്നാണ് ആഗ്രഹിച്ചത് : നയൻ താര

ചെന്നൈ : തിരുപ്പതിയിൽ വച്ച് വിവാഹം നടത്താനാണ് താൻ ആഗ്രഹിച്ചിരുന്നതെന്ന് നടി നയൻ താര . വിവാഹ ഡോക്യൂമെന്ററിയിലാണ് താരം ഇക്കാര്യം പറയുന്നത് .

‘ ജനിച്ചതും , വളർന്നതും ക്രിസ്ത്യാനിയായിട്ടാണ് . അമ്മ ആഗ്രഹിച്ചതും എന്നെ ക്രിസ്ത്യൻ വധുവായി കാണാനാണ് . എന്നാൽ തിരുപ്പതിയിൽ വച്ച് ഹിന്ദു മതാചാരപ്രകാരം വിവാഹം നടക്കണമെന്നത് എന്റെ ആഗ്രഹമായിരുന്നു . എന്നാൽ അത് നടക്കില്ലെന്ന് അറിഞ്ഞപ്പോഴാണ് മഹാബലിപുരത്തേയ്‌ക്ക് മാറ്റിയത് . എങ്കിലും പത്ത് ദിവസത്തിനുള്ളിൽ ഇത് സാദ്ധ്യമാകുമെന്ന് കരുതിയില്ല .ഹിന്ദു ആയി മാറിയതിനാൽ ഹിന്ദു- ക്രിസ്ത്യൻ വിവാഹത്തിന്റെ മനോഹരമായ മിശ്രണമാണ് ഞാൻ ആഗ്രഹിച്ചത് . അതിനാൽ ഒരു ഇംഗ്ലീഷ് ടച്ച് ഉള്ള ഹിന്ദു കല്യാണം ആക്കി . ‘ നയൻ പറയുന്നു.

നിരവധി സെലിബ്രിറ്റി വിവാഹങ്ങൾക്ക് പിന്നിൽ പ്രവർത്തിച്ച ടീമായ ഷാദി സ്ക്വാഡാണ് നയൻതാരയുടെ വിവാഹത്തിന്റെ കാര്യങ്ങളും ആസൂത്രണം ചെയ്തത്.