കാസര്‍കോട്ട് എടനീര്‍മഠത്തിലെത്തിയ കാഞ്ചികാമകോടി പീഠാധിപതി സ്വാമി ശങ്കര വിജയേന്ദ്ര സരസ്വതിയെ സച്ചിദാനന്ദ ഭാരതി സ്വാമിയുടെ നേതൃത്വത്തില്‍ ആദരിച്ചപ്പോള്‍
ചെര്‍ക്കള: എടനീര്‍ മഠത്തില്‍ സന്ദര്‍ശനത്തിനെത്തിയ കാഞ്ചി കാമകോടി പീഠാധിപതി ശങ്കര വിജയേന്ദ്ര സരസ്വതി സ്വാമിക്ക് പൂര്‍ണകുംഭത്തോടെ വരവേല്‍പ്പ്. നൂറുകണക്കിന് ഭക്തര്‍ക്ക് ദര്‍ശനം നല്‍കിയ ആചാര്യര്‍ അനുഗ്രഹപ്രഭാഷണവും നടത്തി.
ശങ്കരാചാര്യരുടെ പ്രധാന ശിഷ്യന്മാരിലൊരാളായ തോടകാചാര്യ പരമ്പരയില്‍പ്പെട്ട എടനീര്‍ മഠത്തിലെ സച്ചിദാനന്ദ ഭാരതി സ്വാമിക്ക് സംന്യാസ ദീക്ഷ നല്‍കിയത് കാഞ്ചി കാമകോടി പീഠാധിപതി ശങ്കര വിജയേന്ദ്ര സരസ്വതി സ്വാമിയാണ്. സംന്യാസ ദീക്ഷ നല്‍കിയ ശേഷമുള്ള ആദ്യ സന്ദര്‍ശനമായിരുന്നു.
എടനീര്‍ മഠാധിപതി സച്ചിദാനന്ദ ഭാരതി സ്വാമി, മഠം മാനേജര്‍ പി. രാജേന്ദ്ര കല്ലുരായ, ടി. ശൃംഭട്ട്, രവീശ തന്ത്രി കുണ്ടാര്‍, അഡ്വ.എം. നാരായണ ഭട്ട് തുടങ്ങിയവര്‍ നേതൃത്വം നല്‍കി. വൈകിട്ട് സ്വാമികളെ എടനീര്‍ മഠം ആദരിച്ചു. സാമൂഹ്യ-സാംസ്‌കാരിക- വിദ്യാഭ്യാസ- കലാ മേഖലകളില്‍ എടനീര്‍ മഠം നല്‍കുന്ന സേവനം ഏറെ വിലപ്പെട്ടതാണെന്ന് സ്വാമി പറഞ്ഞു.
പ്രതികരിക്കാൻ ഇവിടെ എഴുതുക