ചെന്നൈ: സംഗീതജ്ഞൻ എആർ റഹ്മാനും ഭാര്യ സൈറയും വേര്‍പിരിയുന്നു. സൈറയുടെ അഭിഭാഷക വന്ദന ഷായാണ് ഇരുവരും വേർപിരിയാനുള്ള തീരുമാനത്തെക്കുറിച്ച് ഔദ്യോഗിക പ്രസ്താവന പുറത്തിറക്കിയത്.
‘വിവാഹത്തിന് വർഷങ്ങൾക്ക് ശേഷം, ഭർത്താവ് എ ആർ റഹ്മാനിൽ നിന്ന് വേർപിരിയാനുള്ള പ്രയാസകരമായ തീരുമാനമാണ് സൈറ എടുത്തത്. അവരുടെ ബന്ധത്തിലെ വൈകാരിക സമ്മർദ്ദത്തിന് ശേഷമാണ് ഈ തീരുമാനം. പരസ്പരം അഗാധമായ സ്നേഹം ഉണ്ടായിരുന്നിട്ടും, പിരിമുറുക്കങ്ങളും ബുദ്ധിമുട്ടുകളും തങ്ങൾക്കിടയിൽ പരിഹരിക്കാനാകാത്ത വിടവ് സൃഷ്ടിച്ചതായി ദമ്പതികൾ കണ്ടെത്തി, ഈ സമയത്ത് ആര്‍ക്കും പരിഹരിക്കാൻ കഴിയില്ല. വേദനയോടെയാണ് താൻ ഈ തീരുമാനമെടുത്തത്’ – പ്രസ്താവനയിൽ പറയുന്നു.
1995 ൽ വിവാഹിതരായ ഇരുവര്‍ക്കും മൂന്ന് കുട്ടികളുണ്ട്. ധനുഷിന്റെ രണ്ടാമത്തെ സംവിധാന സംരംഭമായ രായൺ ആയിരുന്നു റഹ്മാന്റെ അവസാന പ്രോജക്റ്റ്.
പ്രതികരിക്കാൻ ഇവിടെ എഴുതുക