റിയാദ് : കഅബയുടെ മാതൃകയിൽ സ്റ്റേജ് ഒരുക്കി ഫാഷൻഷോ നടത്തിയത് വിവാദമായി. സൗദി അറേബ്യയിൽ റിയാദ് ഫാഷൻ വീക്കിനായി ഒരുക്കിയ സ്റ്റേജാണ് കഅബയുടെ മാതൃകയിലുണ്ടാക്കിയത്. കണ്ണാടി പ്രതിബിംബമായ തരത്തിലാണ് കഅബ മാതൃക സ്റ്റേജിലൊരുക്കിയത്. ഇതിനുചുറ്റും വിവിധ വസ്‌ത്രങ്ങൾ ധരിച്ച മോഡലുകൾ നടന്ന ദൃശ്യങ്ങൾ വൈറലായി.
ജെന്നിഫർ ലോപ്പസ്, കാമില കാബെല്ലോ, സെലിൻ ഡിയോൺ എന്നിവരുടെ പരിപാടികളാണ് നടന്നത്. മാതൃകയ്‌ക്ക് ചുറ്റും നിന്ന് അർത്ഥനഗ്നരായാണ് വിശ്വപ്രസിദ്ധ ആർട്ടിസ്‌റ്റുകൾ സംഗീതപരിപാടികൾ അവതരിപ്പിച്ചത്. പരിപാടി ഇസ്ളാമിക വിശ്വാസത്തോടുള്ള കടുത്ത അവഹേളനമാണെന്നും വിഷൻ 2030 എന്ന സൗദിയുടെ പരിഷ്‌കരണ പരിപാടിയ്‌ക്ക് നിരക്കുന്നതുമല്ലെന്നാണ് വിമർശനം.
പ്രതികരിക്കാൻ ഇവിടെ എഴുതുക