തിരുവനന്തപുരം:കെഎസ്ആര്‍ടിസി ജീവനക്കാരുടെ ശമ്പള വിഷയത്തില്‍ ടിഡിഎഫ് തിങ്കളാഴ്ച നടത്തിയ സമരത്തെ തള്ളി ഗതാഗത മന്ത്രി കെ ബി ഗണേഷ് കുമാര്‍. ഇന്ന് ശമ്പളം കൊടുക്കുമെന്ന് ടിഡിഎഫിന് അറിയാമായിരുന്നിട്ടം സമരം നടത്തിയെന്നും ഇത് ശരിയായില്ലെന്നും കെബി ഗണേഷ് കുമാര്‍ പറഞ്ഞു.
ഇന്ന് തന്നെ ശമ്പള വിതരണം ഉണ്ടാകുമെന്ന കാര്യം ടിഡിഎഫ് പ്രതിനിധികള്‍ക്ക് അറിവുണ്ടായിരിക്കെ എന്തിനാണ് സമരം നടത്തിയതെന്നും മന്ത്രി ചോദിച്ചു.
ഫിനാന്‍സ് ഉദ്യോഗസ്ഥരെ അടക്കം തടഞ്ഞായിരുന്നു സമരം. ഇത് ശമ്പള വിതരണത്തെ ബാധിച്ചു.രാവിലെ തന്നെ ശമ്പളം വിതരണം ചെയ്യാനാവുമായിരുന്നു.
യുഡിഎഫ് പറഞ്ഞിട്ടാണ് ടിഡിഎഫ് ഇന്ന് സമരം നടത്തിയത്. അന്തസുള്ള ട്രേഡ് യൂണിയന്‍ പ്രവര്‍ത്തനമല്ല ഇതെന്ന് പറഞ്ഞ കെ ബി ഗണേഷ് കുമാര്‍ ഇത് യുഡിഎഫിന് വേണ്ടിയുള്ള വിടുപണിയാണെന്നും പറഞ്ഞു.
പ്രതികരിക്കാൻ ഇവിടെ എഴുതുക