ന്യൂദല്‍ഹി: ഫിഫ റാങ്കിങ് സംവിധാനത്തിനെതിരെ വിമര്‍ശനവുമായി ഭാരത ഫുട്‌ബോള്‍ പരിശീലകന്‍ മാനോലോ മാര്‍ക്വെസ്.
ഇന്ന് മലേഷ്യയ്‌ക്കെതിരെ ഭാരതത്തിന്റെ അന്താരാഷ്‌ട്ര സൗഹൃദ ഫുട്‌ബോള്‍ നടക്കാനിരിക്കെയാണ് മാനോലോയുടെ തുറന്ന വിമര്‍ശനം. റാങ്കിങ് സംവിധാനം വലിയ കള്ളമാണ് പ്രകടിപ്പിക്കുന്നതെന്ന് കോച്ച് അഭിപ്രായപ്പെട്ടു. ആഫ്രിക്കയിലെ തീരെ മോശം ടീമുകള്‍ പോലും മറ്റ് പല രാജ്യക്കാരെക്കാളും മികവ് പുലര്‍ത്തുന്നുണ്ടെന്ന് ചൂണ്ടിക്കാട്ടി. ഭാരതത്തിന്റെ 125-ാം റാങ്ക് ഉദാഹരണമായി അദ്ദേഹം വ്യക്തമാക്കി. സൈപ്രസ് വളരെ നല്ല ടീം ആണ് പക്ഷെ ഫിഫ റാങ്കിങ്ങില്‍ ഭാരതത്തെക്കാള്‍ പിന്നിലായിരിക്കുന്നു.
ഇന്ന് രാത്രി ഏഴരയ്‌ക്ക് ഹൈദരാബാദിലാണ് ഭാരതവും മലേഷ്യയും ഏറ്റുമുട്ടുക. ഭാരതത്തിന് പിന്നില്‍ 133-ാം റാങ്കിലാണ് മലേഷ്യ.
പ്രതികരിക്കാൻ ഇവിടെ എഴുതുക: