ചെന്നൈ: തെലുങ്കര്‍ക്കെതിരെ അധിക്ഷേപ പ്രസംഗത്തിയെന്ന കേസില്‍ അറസ്റ്റിലായ നടി കസ്തൂരിയെ റിമാന്‍ഡ് ചെയ്തു. ചെന്നൈ എഗ്മോര്‍ കോടതിയില്‍ ഹാജരാക്കിയ കസ്തൂരിയെ 12 ദിവസത്തേക്കാണ് റിമാന്‍ഡ് ചെയ്തത്.
നേരത്തെ നടിയുടെ മുന്‍കൂര്‍ ജാമ്യാപേക്ഷ മദ്രാസ് ഹൈക്കോടതി തള്ളിയിരുന്നു. രാഷ്‌ട്രീയ അരാജകത്വം അവസാനിക്കട്ടെ, നീതി പുലരട്ടെ എന്ന് മാധ്യമപ്രവര്‍ത്തകരോട് കസ്തൂരി പറഞ്ഞു.
ഹൈദരാബാദിലെ ഒരു നിര്‍മാതാവിന്റെ വീട്ടില്‍നിന്നാണ് ശനിയാഴ്ച വൈകിട്ട് തമിഴ്‌നാട് പൊലീസ് നടിയെ അറസ്റ്റ് ചെയ്തത്. 300 വര്‍ഷം മുന്‍പ് തമിഴ് രാജാക്കന്മാരുടെ അന്തഃപുരങ്ങളില്‍ പരിചാരകരായി വന്ന തെലുങ്കര്‍, തങ്ങളാണ് തമിഴരെന്ന് അവകാശപ്പെടുന്നു എന്നായിരുന്നു നടിയുടെ പ്രസംഗം.
പരാമര്‍ശത്തിനെതിരെ ആന്ധ്രയിലും തെലങ്കാനയിലും വന്‍ പ്രതിഷേധം ഉയരുകയുണ്ടായി.ഹിന്ദു മക്കള്‍ കക്ഷി എഗ്മൂറില്‍ നടത്തിയ പ്രകടനത്തിലെ പരാമര്‍ശത്തിന്റെ പേരില്‍ പൊലീസ് രജിസ്റ്റര്‍ ചെയ്ത കേസിന് പിന്നാലെ സംസ്ഥാനത്തിന്റെ ഇതര ഭാഗങ്ങളിലും നടിക്കെതിരെ കേസെടുത്തിരുന്നു.
പ്രതികരിക്കാൻ ഇവിടെ എഴുതുക