പശുക്കളെ പെട്രോൾ കണ്ടെയ്നറിലാക്കി കടത്തി ; വാഹനം പൊളിച്ച് പശുക്കളെ രക്ഷപെടുത്തി നാട്ടുകാർ

ശ്രീനഗർ : പോലീസിന്റെ കണ്ണ് വെട്ടിയ്‌ക്കാൻ പശുക്കളെ പെട്രോൾ വിതരണം ചെയ്യുന്ന കണ്ടെയ്നറിലാക്കിയ കടത്തിയ സംഘം പിടിയിൽ.

ജമ്മു കശ്മീരിൽ നിന്ന് രജിസ്റ്റർ ചെയ്ത പെട്രോൾ ടാങ്കറിലാണ് പശുക്കളെ കടത്താൻ ശ്രമിച്ചത്. എന്നാൽ ഈ വിവരമറിഞ്ഞെത്തിയ നാട്ടുകാർ ടാങ്കർ തടഞ്ഞുനിർത്തി ബുൾഡോസർ ഉപയോഗിച്ച് കണ്ടെയ്‌നർ പൊളിച്ചു. കണ്ടെയ്‌നർ തുറന്നപ്പോൾ അകത്ത് ശ്വാസം മുട്ടുന്ന തരത്തിൽ പശുക്കളെ കെട്ടിയിട്ടിരിക്കുകയായിരുന്നു . തുടർന്ന് ജനങ്ങൾ വിവരം പോലീസിനെ അറിയിച്ചു .കണ്ടെയ്നറിൽ ഉണ്ടായിരുന്ന മൂന്ന് പേരെ പോലീസ് അറസ്റ്റ് ചെയ്തിട്ടുണ്ട്.

‘ടാങ്കറിനുള്ളിൽ പെട്രോളില്ല” എന്ന അടിക്കുറിപ്പോടെ ക്രിയേറ്റ്ലി മീഡിയ എന്ന എക്‌സ് അക്കൗണ്ടിൽ ഇതുമായി ബന്ധപ്പെട്ട പോസ്റ്റ് ഷെയർ ചെയ്തിട്ടുണ്ട്. പെട്രോൾ ടാങ്കർ കണ്ടെയ്‌നറിൽ അനധികൃതമായി കടത്തുകയായിരുന്ന പശുക്കളെ ആളുകൾ രക്ഷിക്കുന്ന വീഡിയോയാണ് വൈറലായിക്കൊണ്ടിരിക്കുന്നത്.