ബെംഗളൂരു: ഭാര്യയുടെ പേരില്‍ സര്‍ക്കാര്‍ ഭൂമി(മുഡ അഴിമതി) വെട്ടിപ്പിടിച്ചത് മുതല്‍ ഒട്ടേറെ അഴിമതിയാരോപണങ്ങളാല്‍ കളങ്കിതനായ കര്‍ണ്ണാടക മുഖ്യമന്ത്രി സിദ്ധരാമയ്യയ്‌ക്കെതിരെ മറ്റൊരു ആരോപണവുമായി സീനിയര്‍ ജേണലിസ്റ്റ്. കര്‍ണ്ണാടകയില്‍ സര്‍ക്കാര്‍ ടെണ്ടറുകളില്‍ മുസ്ലിം സംവരണമുണ്ടെന്ന് വസ്തുതകള്‍ നിരത്തിയാണ് ജെവിസി ശ്രീരാം എന്ന ജേണലിസ്റ്റ് ആരോപണം ഉയര്‍ത്തിയത്.
ഇത് നിഷേധിക്കാന്‍ കോണ്‍ഗ്രസിന് സാധിച്ചിട്ടില്ല. എങ്ങിനെയാണ് മതാടിസ്ഥാനത്തില്‍ കരാറുകാര്‍ക്ക് സര്‍ക്കാര്‍ ടെണ്ടറുകളില്‍ സംവരണം നടപ്പാക്കുന്നതെന്നാണ് ചോദ്യം ഉയരുന്നത്. പൊതുവേ ന്യൂനപക്ഷപ്രീണനം തൊഴിലാക്കിയ സിദ്ധരാമയ്യ സര്‍ക്കാര്‍ ഇതോടെ കൂടുതല്‍ വെട്ടിലായി.
മതം ഒരിയ്‌ക്കലും സംവരണത്തിന് അടിസ്ഥാനമാക്കരുതെന്ന് ഭരണഘടന എഴുതിയപ്പോള്‍ ബി.ആര്‍. അംബേദ്കര്‍ എഴുതിയിട്ടുണ്ട്. ഇതിനെതിരെയാണ് ഇപ്പോള്‍ ഈ സര്‍ക്കാര്‍ പ്രവര്‍ത്തിക്കുന്നതെന്നും ജെവിസി ശ്രീറാം ആരോപിക്കുന്നു.
പ്രതികരിക്കാൻ ഇവിടെ എഴുതുക: