കോട്ട: ലോക്‌സഭാ സ്പീക്കർ ഓം ബിർളയുടെ മകൾ അഞ്ജലി ബിർളവി വാഹിതയായി. ചൊവ്വാഴ്ച രാത്രി രാജസ്ഥാനിലെ കോട്ടയിലായിരുന്നു വിവാഹ ചടങ്ങുകൾ നടന്നത്. വരൻ അനീഷ് കോട്ടയിലെ ഒരു പ്രമുഖ വ്യവസായ കുടുംബത്തിൽ നിന്നുള്ളയാളാണ്.
ദേവ് ഉത്താനി ഗ്യാരസിന്റെ ആഘോഷത്തോടനുബന്ധിച്ചായിരുന്നു വിവാഹം സംഘടിപ്പിച്ചത്. രാജസ്ഥാൻ നിയമസഭ പ്രതിപക്ഷ നേതാവ് രാജേന്ദ്ര സിംഗ് റാത്തോഡ്, സംസ്ഥാന യുവജനകാര്യ മന്ത്രി രാജ്യവർദ്ധൻ സിംഗ് റാത്തോഡ്, എംഎൽഎമാർ, മറ്റ് പ്രമുഖർ എന്നിവർ ചടങ്ങിൽ പങ്കെടുത്തു.
മറ്റ് വിശിഷ്ട വ്യക്തികൾക്കായി ബുണ്ടി റോഡിലെ ഒരു റിസോർട്ടിൽ ബുധനാഴ്ച പരിപാടി സംഘടിപ്പിക്കും. മധ്യപ്രദേശ് മുഖ്യമന്ത്രി മോഹൻ യാദവും രാജസ്ഥാൻ മുഖ്യമന്ത്രി ഭജൻ ലാൽ ശർമ്മയും ചടങ്ങിൽ പങ്കെടുക്കാൻ കോട്ടയിലെത്തും.
പ്രതികരിക്കാൻ ഇവിടെ എഴുതുക: