കൊച്ചി:ഒഡീഷ സ്വദേശിനി യുവതിയെ ശീതളപാനീയത്തില്‍ മദ്യം കലര്‍ത്തി നല്‍കിയ ശേഷം പീഡിപ്പിപ്പിച്ച കേസിലെ പ്രതി കീഴടങ്ങി.എഴുപത്തി അഞ്ച് വയസുളള ശിവപ്രസാദ് സൗത്ത് എസിപി ഓഫീസിലാണ് കീഴടങ്ങിയത്. ഹോര്‍ട്ടികോപ്പ് മുന്‍ എംഡി ആണ് ശിവപ്രസാദ് .
വീട്ടുജോലിക്കു നിന്ന 22 വയസുകാരിയെ ആണ് ഇയാള്‍ ശീതള പാനീയത്തില്‍ മദ്യം നല്‍കി പീഡിപ്പിച്ചെന്നാണ് കേസ്. ഇയാള്‍ക്കായി പൊലീസ് ലുക്ക് ഔട്ട് സര്‍ക്കുലര്‍ ഇറക്കിയിരുന്നു. ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്ന് പ്രതിയെ മെഡിക്കല്‍ ട്രസ്റ്റ് ആശുപത്രിയിലേക്ക് മാറ്റി.
ഹോര്‍ട്ടികോര്‍പ്പ്, ഫിഷറീസ്, പ്ലാന്റേഷന്‍ കോര്‍പ്പറേഷന്‍ എംഡി അടക്കം നിരവധി സര്‍ക്കാര്‍ പൊതുമേഖലാ സ്ഥാപനങ്ങളില്‍ ഉന്നത പദവിയിലിരുന്ന വ്യക്തിയാണ് ശിവപ്രസാദ്. അയല്‍ സംസ്ഥാനങ്ങളിലടക്കം പ്രതിക്കായി പൊലീസ് തെരച്ചില്‍ നടത്തുകയുണ്ടായി. ദേശീയ പട്ടികവര്‍ഗ കമ്മീഷന്‍ സ്വമേധയാ കേസ് എടുത്ത് കൊച്ചി പൊലീസിനോട് റിപ്പോര്‍ട്ട് തേടിയിരുന്നു.ഏഴ് ദിവസത്തിനകം കൊച്ചി പൊലീസ് റിപ്പോര്‍ട്ട് നല്‍കണമെന്നാണ് പട്ടികവര്‍ഗ കമ്മീഷന്റെ നോട്ടീസില്‍ നിര്‍ദേശിച്ചിരുന്നത്.
പ്രതികരിക്കാൻ ഇവിടെ എഴുതുക