നവംബര് 13 വരെ ഓണ്ലൈനായി അപേക്ഷിക്കാം
യോഗ്യത: ബിരുദം, പ്രായപരിധി 20-30 വയസ്; നിയമാനുസൃത വയസ്സിളവുണ്ട്
റിക്രൂട്ട്മെന്റ് വിജ്ഞാപനം www.unionbankofindia.co.in/careers- ല്
സെലക്ഷന് ഓണ്ലൈന് പരീക്ഷ, ഗ്രൂപ്പ് ചര്ച്ച, ഇന്റര്വ്യു അടിസ്ഥാനത്തില്
കേരളത്തില് ആലപ്പുഴ, കണ്ണൂര്, എറണാകുളം, കൊല്ലം, കോട്ടയം, കോഴിക്കോട്, മലപ്പുറം, പാലക്കാട്, തിരുവനന്തപുരം, തൃശൂര് പരീക്ഷാകേന്ദ്രങ്ങള്
കേന്ദ്ര പൊതുമേഖലയില്പ്പെടുന്ന യൂണിയന് ബാങ്ക് ഓഫ് ഇന്ത്യയുടെ കേരളമടക്കം വിവിധ സംസ്ഥാനങ്ങളിലെ ബ്രാഞ്ചുകളിലേക്ക് ലോക്കല് ബാങ്ക് ഓഫീസര്മാരെ തെരഞ്ഞെടുക്കുന്നു. പ്രാദേശികഭാഷാ പ്രാവീണ്യമുണ്ടായിരിക്കണം. ആന്ധ്രാപ്രദേശ്, ആസാം, ഗുജറാത്ത്, കര്ണാടകം, കേരളം, മഹാരാഷ്ട്ര, ഒഡീസ, തമിഴ്നാട്, തെലുങ്കാന, പശ്ചിമബംഗാള് എന്നീ സംസ്ഥാനങ്ങളിലെ ഒഴിവുകളിലേക്കാണ് ഇപ്പോള് അപേക്ഷകള് ക്ഷണിച്ചിട്ടുള്ളത്. ബാങ്ക് പ്രൊബേഷണറി ഓഫീസര് തസ്തികക്ക് സമാനമാണിത്. ശമ്പള നിരക്ക് 48480-85920 രൂപ. ഏതെങ്കിലുമൊരു സംസ്ഥാനത്തിലെ ഒഴിവുകളിലേക്കാണ് അപേക്ഷിക്കാവുന്നത്. വിശദവിവരങ്ങളടങ്ങിയ റിക്രൂട്ട്മെന്റ് വിജ്ഞാപനം www.unionbankofindia.co.in/careers- ല്നിന്നും ഡൗണ്ലോഡ് ചെയ്യാം.
യോഗ്യത: ഏതെങ്കിലും ഡിസിപ്ലിനില് ഫുള്ടൈം/റഗുലര് അംഗീകൃത സര്വ്വകലാശാലാ ബിരുദം. ഡിഗ്രി സര്ട്ടിഫിക്കറ്റും മാര്ക്ക് ലിസ്റ്റും ഉണ്ടാവണം. പ്രായപരിധി 1.10.2024 ല് 20-30 വയസ്. എസ്സി/എസ്ടി വിഭാഗത്തിന് 5 വര്ഷം, ഒബിസി നോണ് ക്രീമിലെയര് വിഭാഗങ്ങള്ക്ക് 3 വര്ഷം, ഭിന്നശേഷിക്കാര്ക്ക് (പിബ്ല്യുബിഡി) 10 വര്ഷം, വിമുക്തഭടന്മാര്ക്കും മറ്റും ചട്ടപ്രകാരവും പ്രായപരിധിയില് ഇളവുണ്ട്.
അപേക്ഷാ ഫീസ് 850 രൂപ, എസ്സി/എസ്ടി/പിഡബ്ല്യുബിഡി വിഭാഗങ്ങള്ക്ക് 175 രൂപ മതി. ഡബിറ്റ്/ക്രഡിറ്റ് കാര്ഡ്, ഇന്റര്നെറ്റ് ബാങ്കിങ് മുഖാന്തിരം ഫീസ് അടയ്ക്കാം. ഓണ്ലൈനായി നവംബര് 13 വരെ അപേക്ഷ സമര്പ്പിക്കാവുന്നതാണ്.
സെലക്ഷന്: ഓണ്ലൈന് പരീക്ഷ, ഗ്രൂപ്പ് ചര്ച്ച, വ്യക്തിഗത അഭിമുഖം എന്നിവയുടെ അടിസ്ഥാനത്തിലാണ് തെരഞ്ഞെടുപ്പ്. ലാംഗുവേജ് പ്രൊഫിഷ്യന്സി ടെസ്റ്റുമുണ്ടാവും. പരീക്ഷാ ഘടനയും സിലബസും വിജ്ഞാപനത്തിലുണ്ട്.
കേരളത്തില് ആലപ്പുഴ, കണ്ണൂര്, എറണാകുളം, കൊല്ലം, കോട്ടയം, കോഴിക്കോട്, മലപ്പുറം, പാലക്കാട്, തിരുവനന്തപുരം, തൃശൂര് പരീക്ഷാകേന്ദ്രങ്ങളായിരിക്കും.
