കൊച്ചി: സംസ്ഥാന സ്‌കൂള്‍ കായികമേളയില്‍ കെ.എ.അന്‍സ്വാഫ് വേഗരാജാവ് . സീനിയര്‍ ബോയ്‌സ് 100 മീറ്ററില്‍ 10.806 സെക്കന്‍ഡിലാണ് അന്‍സ്വാഫ് ഒന്നാമതെത്തിയത്. എറണാകുളം കീരാമ്പാറ സെന്റ് സ്റ്റീഫന്‍സ് സ്‌കൂളിലെ വിദ്യാര്‍ഥിയാണ് അന്‍സ്വാഫ്.
സീനിയര്‍ പെണ്‍കുട്ടികളുടെ വിഭാഗത്തില്‍ തിരുവനന്തപുരം ജി.വി.രാജ സ്‌കൂളിലെ രഹ്ന രഘു ഒന്നാമതെത്തി. 12.62 സെക്കന്‍ഡിലാണ് ഫിനിഷ് ചെയ്തത്. ജൂനിയര്‍ പെണ്‍കുട്ടികളില്‍ ആലപ്പുഴയുടെ ആര്‍.ശ്രേയ 12.54 സെക്കന്‍ഡില്‍ ഫിനിഷ് ചെയ്ത് പെണ്‍കുട്ടികളുടെ 100 മീറ്റര്‍ പോരാട്ടങ്ങളിലെ വേഗറാണിയായി.ജൂനിയര്‍ വിഭാഗത്തിലാണ് മത്സരിച്ചതെങ്കിലും സീനിയര്‍ വിഭാഗത്തില്‍ ഒന്നാം സ്ഥാനം നേടിയ പെണ്‍കുട്ടിയേക്കാള്‍ മികച്ച സമയം ശ്രേയ കുറിച്ചു.
സബ്ജൂനിയര്‍ ആണ്‍കുട്ടികളുടെ 100 മീറ്ററില്‍ കാസര്‍ഗോഡ് താരം ബി.എ. നിയാസ് അഹമ്മദ് ഒന്നാമതെത്തി (0:12:41). സബ് ജൂനിയര്‍ പെണ്‍കുട്ടികളില്‍ ഇടുക്കിയുടെ എസ്. ദേവപ്രിയ ഒന്നാം സ്ഥാനത്തെത്തി. ജൂനിയര്‍ ആണ്‍കുട്ടികളില്‍ പാലക്കാട് നിന്നുളള ജെ.നിവേദ്കൃഷ്ണയ്‌ക്കാണ് ഒന്നാം സ്ഥാനം.
പ്രതികരിക്കാൻ ഇവിടെ എഴുതുക