തിരുവനന്തപുരം: ഓട്ടോറിക്ഷ തോട്ടിലേക്ക് മറിഞ്ഞ് മധ്യവയസ്‌കനെ കാണാതായി. മരുതൂര്‍, കുളംവെട്ടിവിളയില്‍ ആണ് സംഭവം. കല്ലയം പ്ലാവിള സ്വദേശി വിജയനെയാണ് കാണാതായത്.
വെളളിയാഴ്ച വൈകുന്നേരം ആറുമണിയോടെയാണ് അപകടം. സുരേഷ് എന്ന ആളുടെ ഓട്ടോയില്‍ സഞ്ചരിക്കുകയായിരുന്നു. ഓട്ടോ ഡ്രൈവര്‍ സുരേഷ് രക്ഷപ്പെട്ടു. ഓട്ടോറിക്ഷ പൂര്‍ണമായും തകര്‍ന്നു.
നിയന്ത്രണം നഷ്ടപ്പെട്ട് ഓട്ടോ തോട്ടിലേക്ക് വീണെന്നാണ് പ്രാഥമിക നിഗമനം. തോട് കരകവിഞ്ഞ് വെളളം റോഡിലേക്ക് ഒഴുകിയിരുന്നു. കനത്ത മഴയെ തുടര്‍ന്ന് തോട്ടില്‍ കുത്തൊഴുക്ക് ഉണ്ടായിരുന്നു.
പൊലീസും അഗ്നിശമന സേനയും നാട്ടുകാരും ചേര്‍ന്ന് തെരച്ചില്‍ നടത്തിയെങ്കിലും കണ്ടെത്താനായില്ല. തെരച്ചില്‍ ശനിയാഴ്ചയും തുടരും.
പ്രതികരിക്കാൻ ഇവിടെ എഴുതുക