കാക്കനാട്: ഇന്ത്യന് ദന്തല് അസോസിയേഷന് കേരള ഘടകത്തിന്റെ നേതൃത്വത്തില് സംഘടിപ്പിച്ച മാസ് ടൂത്ത് ബ്രഷിങ് ബോധവല്ക്കരണ കാമ്പയിനിന് ലോക റിക്കാര്ഡ്.
കളമശേരി രാജഗിരി പബ്ലിക് സ്കൂളില് നടന്ന ദേശീയ ടൂത്ത് ബ്രഷിങ് പദ്ധതി ആദായനികുതി അഡീ. കമ്മിഷണര് ജ്യോതിഷ് മോഹന് ഉദ്ഘാടനം ചെയ്തു. ഇന്ത്യന് ദന്തല് അസോ. കേരള ഘടകം പ്രസിഡന്റ് ഡോ. ടെറി തോമസ് എടത്തൊട്ടി അധ്യക്ഷത വഹിച്ചു.
നടന് ഹക്കീം ഷാജഹാന് മുഖ്യാതിഥിയായി. രാജഗിരി പബ്ലിക് സ്കൂള് ഡയറക്ടര് ഫാ. പൗലോസ് കിടങ്ങന്, പ്രിന്സിപ്പല് റൂബി ആന്റണി, ഐഡിഎ കേരള സ്റ്റേറ്റ് ഓണററി സെക്രട്ടറി ഡോ. ദീപു ജെ. മാത്യു, ഇന്ത്യ ബുക്ക് ഓഫ് റിക്കാര്ഡ് അഡ്ജുഡിക്കേറ്റര് വിവേക് ആര്. എന്നിവര് പങ്കെടുത്തു. കേരളത്തിലെ 226 തിരഞ്ഞെടുത്ത സ്കൂളുകളില് നിന്നായി രണ്ടുലക്ഷത്തോളം വിദ്യാര്ത്ഥികള് പരിപാടിയില് പങ്കെടുത്തു.
