ഇടുക്കി: ആത്മഹത്യ ചെയ്‌തെന്ന് പറഞ്ഞ് ആശുപത്രിയില്‍ എത്തിച്ച യുവാവിന്റെ മൃതദേഹം പോസ്റ്റ് മോര്‍ട്ടം ചെയ്തപ്പോള്‍ വ്യക്തമായത് ക്രൂര കൊലപാതകം. ഇടുക്കി പള്ളിക്കുന്ന് വുഡ്‌ലാന്റ്‌സ് എസ്‌റ്റേറ്റില്‍ കൊല്ലമറ്റത്ത് ബാബുവിന്റെ മകന്‍ ബിബിന്‍ ബാബുവിനെയാണ് തൂങ്ങിമരിച്ചെന്ന് പറഞ്ഞ് ബന്ധുക്കള്‍ ആശുപത്രിയില്‍ എത്തിച്ചത്.
അച്ഛനും ബന്ധുക്കളും അടക്കമുള്ളവരെ പീരുമേട് പൊലീസ് കസ്റ്റഡിയിലെടുത്ത് ചോദ്യം ചെയ്തതോടെ കൊലപാതകം തെളിഞ്ഞു.
ചൊവ്വാഴ്ച വൈകിട്ടാണ് അടുത്ത ബന്ധുക്കള്‍ അടക്കമുളളവര്‍ ബിബിന്‍ ബാബുവിനെ പീരുമേട് താലൂക്ക് ആശുപത്രിയില്‍ എത്തിച്ചത്. വീട്ടിലെ ശുചിമുറിയില്‍ മുണ്ടില്‍ കെട്ടിത്തൂങ്ങി നില്‍ക്കുന്നതായി കണ്ടുവെന്നാണ് ഡോക്ടറോട് ബന്ധുക്കള്‍ പറഞ്ഞത്. തുടര്‍ന്ന് പോസ്റ്റുമോര്‍ട്ടം നടത്തി. ഇതിലാണ് തലയ്‌ക്ക് ഏറ്റ അടിയാണ്് മരണ കാരണമായതെന്ന് കണ്ടെത്തിയത്. ജനനേന്ദ്രിയവും തകര്‍ന്നിരുന്നു.
അച്ഛനും അമ്മാവനും, സഹോദരിയുടെ സുഹൃത്തും അടക്കമുള്ളവരെ പൊലീസ് കസ്റ്റഡിയിലെടുത്തു. കോയമ്പത്തൂരില്‍ ഡ്രൈവറായി ജോലി ചെയ്തു വന്ന ബിബിന്‍ ബാബു ദീപാവലി പ്രമാണിച്ചാണ് വീട്ടില്‍ എത്തിയത്. സഹോദരിയുടെ മകളുടെ പിറന്നാള്‍ ആഘോഷത്തില്‍ പങ്കെടുത്ത ശേഷം തമിഴ്‌നാട്ടിലേക്ക് മടങ്ങാനിരിക്കെയാണ് സംഭവം. പിറന്നാള്‍ ആഘോഷത്തിനിടെയുളള തര്‍ക്കമാണ് കൊലപാതകത്തില്‍ കലാശിച്ചതെന്നാണ് നിഗമനം.
പ്രതികരിക്കാൻ ഇവിടെ എഴുതുക