കോഴിക്കോട്: വടകരയില് അധ്യാപകന് ആറംഗ സംഘത്തിന്റ മര്ദ്ദനം. ഗുരുതര പരിക്കേറ്റ അധ്യാപകന് കുനിങ്ങാട് മുതുവടത്തൂര് ദാവൂദ് പി മുഹമ്മദ് വടകരയിലെ സ്വകാര്യ ആശുപത്രിയില് ചികിത്സയിലാണ്.
വടകര പുതിയ സ്റ്റാന്റിലെ ഓക്സ്ഫോഡ് കോളജ് ഓഫ് ഇംഗ്ലീഷ് സ്ഥാപന ഉടമയാണ്. വടകര പുതിയ സ്റ്റാന്റിനോട് ചേര്ന്ന് ബുധനാഴ്ച വൈകിട്ടാണ് സംഭവം. സ്ഥാപനത്തില് കയറി വളഞ്ഞിട്ട് മര്ദ്ദിക്കുകയായിരുന്നു.
മര്ദിച്ചവരില് ഒരാള് അധ്യാപകന്റെ വിദ്യാര്ത്ഥികളിലൊരാളാണെന്ന് സൂചനയുണ്ട്. വടകര പൊലീസ് സ്ഥലത്തെത്തിയാണ് ആശുപത്രിയിലേക്ക് മാറ്റിയത്. എന്തിന്റെ പേരിലാണ് ആക്രമണമെന്ന കാര്യത്തില് വ്യക്തതയില്ല. പൊലീസ് കേസെടുത്തു.
