കോഴിക്കോട്: വടകര ലോക്സഭ തെരഞ്ഞെടുപ്പ് പ്രചാരണത്തിനിടെ സിപിഎം വനിതാ നേതാവ് കെകെ ശൈലജക്കെതിരെ സാമൂഹ്യ മാധ്യമത്തില് അശ്ലീല പരാമര്ശം നടത്തിയെന്ന കേസില് യൂത്ത് കോണ്ഗ്രസ് പ്രവര്ത്തകന് 15,000 രൂപയും കോടതി പിരിയും വരെ തടവും ശിക്ഷ വിധിച്ചു കോടതി. മെബിന് തോമസിനെയാണ് ശിക്ഷിച്ചത്.
വടകര തെരഞ്ഞെടുപ്പില് മാന്യതയുടെ എല്ലാ സീമകളും ലംഘിച്ചുള്ള വ്യാജപ്രചാരണമാണ് യുഡിഎഫ് നേതാക്കളും അണികളും അവരുടെ സാമൂഹ്യ മാധ്യമ അക്കൗണ്ടുകള് വഴി നടത്തിയതെന്ന് കെ കെ ശൈലജ ഫേസ്ബുക്ക് കുറിപ്പില് പറഞ്ഞു. തെരഞ്ഞെടുപ്പിന് ശേഷവും നീചമായ ആക്രമണമാണ് തനിക്കെതിരെ യുഡിഎഫ് സൈബര് വിംഗ് നടത്തിയത്. ഇതുമായി ബന്ധപ്പെട്ട് അന്ന് തന്നെ പരാതി നല്കി.
പരാതിയുടെ പ്രകാരം പൊലീസ് നടത്തിയ അന്വേഷണത്തില് യൂത്ത് കോണ്ഗ്രസ് നേതാവ് തൊട്ടില്പ്പാലം സ്വദേശി മെബിന് തോമസിനെ കോടതി ശിക്ഷിച്ചു. പാലക്കാട് ഉപതെരഞ്ഞെടുപ്പിലെ കോണ്ഗ്രസ് സ്ഥാനാര്ത്ഥിയുടെ നേതൃത്വത്തിലായിരുന്നു വടകര പാര്ലമെന്റ് തെരഞ്ഞെടുപ്പില് പ്രചാരണം നടന്നത്. പാലക്കാട് ഉപതെരഞ്ഞെടുപ്പുമായി ബന്ധപ്പെട്ട് കള്ളപ്പണം കടത്തിയതുമായി ബന്ധപ്പെട്ട സംശയാസ്പദമായ വിവരങ്ങള് പുറത്തുവരുന്ന ഘട്ടത്തില് ശിക്ഷവിധിച്ചുകൊണ്ട് വന്ന ഈ വിധി നിര്ണായകമാണെന്നും കെ കെ ശൈലജ കുറിച്ചു.
