തിരുവനന്തപുരം: സഹോദരങ്ങളായ ഒന്‍പതു വയസ്സുകാരിയേയും ആറു വയസ്സുകാരിയേയും നിരന്തരം ക്രൂരമായി പീഡിപ്പിച്ച 63കാരന് രണ്ട് ഇരട്ട ജീവപര്യന്തം തടവ് വിധിച്ച് കോടതി.കുട്ടികളുടെ അമ്മുമ്മയുടെ കാമുകനെയാണ് കോടതി ശിക്ഷിച്ചത്. ഒരു പ്രതിക്ക് രണ്ട് കേസുകളില്‍ ഇരട്ട ജീവപര്യന്തം കിട്ടുന്നത് അപൂര്‍വമാണ്.രണ്ട് കുട്ടികളെയും ഒരേസമയമാണ് ഇയാള്‍ ഉപദ്രവിച്ചിരുന്നത്.
ഇരുവരുടെയും വാ പൊത്തിപ്പിടിച്ചു കൊന്നു കളയുമെന്ന് ഭീഷണിപ്പെടുത്തിയായിരുന്നു അതിക്രമം. ആറ് മാസത്തോളം തടവറയ്‌ക്ക് സമാനമായ ജീവിതമാണ് കുഞ്ഞുങ്ങള്‍ അനുഭവിച്ചത്. അച്ഛനും അമ്മയും ഉപേക്ഷിച്ച പെണ്‍കുട്ടികള്‍ അമ്മൂമ്മയുടെ സംരക്ഷണയിലാണ് കഴിഞ്ഞിരുന്നത്. അമ്മൂമ്മയുടെ കാമുകനാണ് പ്രതി.
അമ്മൂമ്മ വീട്ടില്‍ ഇല്ലാതിരിക്കുന്ന സമയത്താണ് കുട്ടികളെ അശ്ലീല വീഡിയോ കാണിക്കുകയും പീഡിപ്പിക്കുകയും ചെയ്തത്. പീഡിപ്പിക്കുന്ന സമയം കുട്ടികള്‍ ഉറക്കെ കരയുമായിരുന്നു. ഒരു ദിവസം വാതില്‍ അടയ്‌ക്കാതെ പ്രതി കുട്ടികളെ പീഡിപ്പിക്കുന്നത് അയല്‍വാസി കണ്ടതോടെയാണ് സംഭവം പുറത്തറിഞ്ഞത്.കേസ് വിസ്താരവേളയില്‍ ഇരു കുട്ടികളും ഭയന്ന് കരഞ്ഞതിനാല്‍ വിസ്താരം പലതവണ നിര്‍ത്തി വെച്ചിരുന്നു.
പ്രതികരിക്കാൻ ഇവിടെ എഴുതുക: