തിരുവനന്തപുരം: ഈ അധ്യയന വര്ഷത്തെ പി.ജി. മെഡിക്കല് കോഴ്സുകളിലേയ്ക്കുള്ള പ്രവേശനത്തിന് ഓണ്ലൈനായി അപേക്ഷ സമര്പ്പിച്ചവരില് വിവിധ കാറ്റഗറിയില് സംവരണം ക്ലെയിം ചെയ്ത വിദ്യാര്ഥികളില് അവര് സമര്പ്പിച്ച രേഖകളില് അപാകതകള് ഉള്ളവരുടെ ലിസ്റ്റ് പ്രവേശന പരീക്ഷാ കമ്മീഷണറുടെ www.cee.kerala.gov.in വെബ്സൈറ്റില് ലഭ്യമാക്കിയിട്ടുണ്ട്. ‘PG MEDICAL 2024 Candidate Portal’ എന്ന ലിങ്കില് അവരുടെ അപേക്ഷാനമ്പരും പാസ്വേഡും നല്കി ലോഗിന് ചെയ്യുമ്പോള് അപേക്ഷകന്റെ പ്രൊഫൈല് പേജ് ദൃശ്യമാകും. പ്രൊഫൈല് പേജില് ലഭ്യമായ ‘Memo Details’ എന്ന മെനു ക്ലിക്ക് ചെയ്താല് ന്യൂനതകള് സംബന്ധിച്ച വിവരങ്ങള് വിദ്യാര്ഥികള്ക്ക് കാണാന് കഴിയും. ന്യൂനതകള് പരിഹരിക്കുന്നതിന് ആവശ്യമായ രേഖകള് അപേക്ഷകന് ഓണ്ലൈനായി നവംബര് 6 ന് രാത്രി 11.59 ന് മുന്പായി അപ്ലോഡ് ചെയ്യണം. വിശദവിവരങ്ങള്ക്ക്: www.cee.kerala.gov.in, ഫോണ്: 0471 2525300.
