കോഴിക്കോട് : ജില്ലയില്‍ ചൊവ്വാഴ്ച രാവിലെ മുതല്‍ നാല് ദിവസം ജല വിതരണം തടസപ്പെടും. കോഴിക്കോട് കോര്‍പ്പറേഷന്‍, ഫറോക് മുന്‍സിപ്പാലിറ്റി തുടങ്ങിയ ഇടങ്ങളില്‍ ജലവിതരണം തടസപ്പെടും.
ബാലുശേരി, നന്മണ്ട, നരിക്കുനി, കാക്കൂര്‍, തലക്കുളത്തൂര്‍, ചേളന്നൂര്‍, കക്കോടി, കുരുവട്ടൂര്‍, കുന്നമംഗലം, പെരുവയല്‍, പെരുമണ്ണ, ഒളവണ്ണ , കടലുണ്ടി, മാവൂര്‍ പഞ്ചായത്തുകളിലാണ് ജലവിതരണം മുടങ്ങുക.പതിനാല് പഞ്ചയത്തുകളിലാണ് ജലവിതരണം തടസപ്പെടുന്നത്.
ദേശീയപാത നിര്‍മ്മാണത്തിന്റെ ഭാഗമായി വേങ്ങേരിയില്‍ പൈപ്പ് മാറ്റുന്നതുമായി ബന്ധപ്പെട്ടാണ് നിയന്ത്രണം. ജനങ്ങള്‍ മുന്‍കരുതല്‍ സ്വീകരിക്കണമെന്ന് ജലഅതോറിറ്റി അറിയിച്ചു. മെഡിക്കല്‍ കോളേജ് ഉള്‍പ്പെടുന്ന അത്യാവശ്യ ഇടങ്ങളിലേക്ക് വെള്ളം എത്തിക്കാന്‍ പ്രത്യേക ക്രമീകരണം സജ്ജമാക്കിയിട്ടുണ്ട്.
പ്രതികരിക്കാൻ ഇവിടെ എഴുതുക: