കൊല്ലം: കൊല്ലത്ത് പള്ളിക്കലാറില്‍ വള്ളം മറിഞ്ഞ് രണ്ട് യുവാക്കള്‍ക്ക് ദാരുണാന്ത്യം. കല്ലേലിഭാഗം സ്വദേശികളായ ശ്രീരാഗ്, അജിത്ത് എന്നിവരാണ് മരിച്ചത്.
ആറ്റില്‍ മീന്‍ പിടിക്കാനെത്തിയ നാലംഗ സംഘത്തില്‍ രണ്ട് പേരാണ് മരിച്ചത്. നാലംഗ സംഘമുണ്ടായിരുന്ന വള്ളം അപകടത്തില്‍ പെടുകയായിരുന്നു. വള്ളം മറിഞ്ഞ് പുഴയിലെ ഒഴുക്കില്‍പ്പെട്ട രണ്ട് പേര്‍ നീന്തി രക്ഷപ്പെട്ടു. എന്നാല്‍ മറ്റ് രണ്ട് പേര്‍ ഒഴുക്കില്‍പ്പെടുകയായിരുന്നു. പിന്നീട് ഫയര്‍ഫോഴ്‌സിന്റെ സ്‌കൂബാ സംഘം എത്തിയാണ് ഒഴുക്കില്‍പ്പെട്ട ശ്രീരാഗിനെയും അജിത്തിനെയും കണ്ടെത്തിയത്. ഇവരെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. തുടര്‍ച്ചയായി പെയ്ത മഴയില്‍ ആറ്റിലെ ഒഴുക്ക് കൂടിയതും രക്ഷാപ്രവര്‍ത്തനത്തെ ബാധിച്ചു.
Tuesday, November 5, 2024
കൊല്ലത്ത് വള്ളം മറിഞ്ഞ് രണ്ട് യുവാക്കള്‍ക്ക് ദാരുണാന്ത്യം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: