കൊച്ചി:കടവന്ത്ര മെട്രോ സ്റ്റേഷനില് യാത്രക്കാര്ക്കിടയില് പരിഭ്രാന്തി പരത്തി അപായ മുന്നറിയിപ്പ്. മുന്നറിയിപ്പ് വന്നതിന് പിന്നാലെ യാത്രക്കാര് പരിഭ്രാന്തിയിലായി. ഇന്നലെ വൈകീട്ട് 5.51-ഓടെയായിരുന്നു സംഭവം. അപായ മുന്നറിയിപ്പുമായി ബന്ധപ്പെട്ട ശബ്ദ സന്ദേശം എത്തിയത്. യാത്രക്കാര് ഒഴിഞ്ഞു പോകണമെന്നും അപകടം സംഭവിക്കാന് പോകുന്നുയെന്നുമായിരുന്നു ശബ്ദ സന്ദേശത്തിന്റെ ഉള്ളടക്കം. മുന്നറിയിപ്പ് കേട്ട് യാത്രക്കാര് പരിഭ്രമിച്ചതോടെ പൊലീസും സുരക്ഷാ ഉദ്യോഗസ്ഥരും സ്ഥലത്ത് എത്തി വിശദമായ പരിശോധനകള് നടത്തി. എന്നാല് സാങ്കേതിക തകരാറിനെ തുടര്ന്ന് സൈറണ് തെറ്റി മുഴങ്ങിയതെന്നാണ് കെഎംആര്എലിന്റെ വിശദീകരണം. നിലവില് പരിഭ്രമിക്കേണ്ട സാഹചര്യമില്ലെന്നും അധികൃതര് അറിയിച്ചു.
കടവന്ത്ര മെട്രോ സ്റ്റേഷനില് അപായമുന്നറിയിപ്പ്; പരിഭ്രാന്തിയില് യാത്രികര്; സാങ്കേതിക തകരാറെന്ന് അധികൃതര്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.